Rritet fatura/ Importet e energjisë kapin shifër e 15 mln euro vetëm për muajin tetor 

Rritet fatura/ Importet e energjisë kapin shifër e 15 mln euro vetëm për muajin tetor 

Mungesa e reshjeve po rrit koston në buxhetin e shtetit për të përballuar importin e energjisë elektrike. Për të garantuar furnizim pa ndërprerje për muajin tetor janë shpenzuar afërsisht 15 milionë euro. 

Në tenderin e fundit të zhvilluar nga Korporata Elektroenergjetike për datat 23-29 tetor janë blerë në bursën ndërkombëtare të energjisë 45,560 megavat, ku çmimi më i lartë ka qenë 124 euro/megavati dhe më i lirë ishte 105 euro një megavat. 

Në total për të garantuar energji për këtë javë janë shpenzuar mbi 5.3 milionë euro, ndërsa fatura për dy javët e para të këtij muaj ishte mbi 9.5 milionë euro, dhe çmimi mesatar ishte 98.18 euro për megavat. Këtë muaj janë blerë afro 140 mijë megavat energji në tregjet e huaja. 

Sipas llogaritjeve të vlerave të importit të energjisë në bazë të ankandeve të bëra nga KESH, rezulton se deri më tani janë importuar 48.9 milionë euro energji elektrike, ku 1/3 e kësaj vlere i përket vetëm këtij muaj.

IMPORT/EKSPORT I ENERGJISË 
Eksportet           35,499,736 euro
Importet             48,964,207 euro
Deficiti              -13,464,471 euro

Një ditë më parë Report TV, transmetoi neglizhencën e Ministrisë së Energjisë për të plotësuar me aktet e tjera ligjin për nxitjen e prodhimit të energjisë së rinovueshme, që ju jep të drejtën bizneseve që prodhojnë energji përmes paneleve diellore për konsum vetjak, të depozitojnë në rrjet tepricën.

Nëse ligji do të ishte plotësuar me VKM apo udhëzime siç janë të nevojshme, këto biznese do të mund ta depozitonin energjinë dhe vendi nuk do të detyrohej të dilte shpesh në tregjet e huaja për të importuar.

Një tjetër projekt që do kishte pasur impakt në uljen e importeve do të kishte edhe vënia në punë e termocentraleve lundruese të marra me qira që janë vendosur në portin e Vlorës.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Kuvend/ Opozita ‘kryqëzon’ Dumanin, Majko i del në mbrojtje kreut të SPAK: S’është vartësi juaj

Kuvend/ Opozita ‘kryqëzon’ Dumanin, Majko i del në mbrojtje kreut të SPAK: S’është vartësi juaj