POP 5

Lajmet më të lexuara të 5 minutave të fundit

Sociale

Rritet fluksi i udhëtarëve në pikën kufitare të Qafë-Thanës në Pogradec! Shqiptarët e Maqedonisë së Veriut dhe turistët e huaj drejt plazheve të Jugut

Fluksi i udhëtarëve është rritur në pikën e kalimit kufitar të Qafë-Thanës. Janë kryesisht shqiptarët e Maqedonisë së Veriut që vijnë për pushime ne bregdet, por nuk mungojnë as të huajt. Edhe pse numri është rritur me 20 për qind, nuk ka radhë pasi po punohet me procedurë të përshpejtuar.

Brenda 7 ditëve të fundit, 90 mijë persona kanë hyrë dhe kanë dalë nga pika e kalimit kufitar të Qafë-Thanës, ose 20% më shumë se e njëjta periudhë e vitit të kaluar. Kryesisht janë shqiptarët e Maqedonisë së Veriut të cilët zgjedhin bregdetin shqiptar për të kaluar pushimet verore. Ata shprehen se Vlora dhe Saranda janë destinacionet kryesore.

Veç shqiptareve të cilët përdorin këte pikë kalimi për të hyrë në Shqipëri janë dhe turistet e huaj te ardhur transit nga Turqia, Zvicra, Franca etj.

“Ne po shëtisim në të gjitha vendet e Ballkanit, përfshirë Shqipërinë. Në fillim shkuan në Greqi dhe në Maqedoninë e Veriut, Malin e Zi dhe Serbi. Vijmë nga Turqia dhe do ta mbyllim këtë turne në bregdetin shqiptar”, tha një turist.

“Eshtë hera e parë që vij në Shqipëri. Jemi në një ekskursion shkolle, janë dhe 2 autobusë përpara dhe do shkojmë të shohim Sarandën. Do qëndrojmë atje 5-7 ditë”, tha një tjetër turist.

Edhe pse fluksi është rritur ndjeshëm, udhëtarët nuk presin në Qafë-Thanë pasi janë marrë masa nga autoritetet e dy vendeve.

Burime nga policia kufitare bëjnë të ditur se fluksi më i lartë i kalimtarëve ka qene gjatë orëve të paradites dhe mbrëmjes. Shpeshherë bëhet kalimi me procedure të përshpejtuar për të evituar radhët.

R.D/Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Himara, i kujt është faji që 6 mijë votues ishin me karta të skaduara?

Lajme të tjera



×

Lajmi i fundit

Mbyllja e postave në veri, Vuçiç: Kurti po përpiqet të provokojë luftë

Mbyllja e postave në veri, Vuçiç: Kurti po përpiqet të provokojë luftë

6 Gusht, 19:14