POP 5

Lajmet më të lexuara të 5 minutave të fundit

Drejt Punës

Rritet interesi i të rinjve për arsimin profesional në Lezhë, dega më e kërkuar Hoteleri-Turizëm

Interesi i të rinjve për të ndjekur arsimin profesional po vjen gjithnjë e në rritje në qytetin e Lezhës. Drejtori i shkollës profesionale “Kolin Gjoka” në Lezhë, Bardh Dedgjonaj tregon se ndër degët e preferuara nga nxënësit është ajo e “Hoteleri-Turizmit”.

Nevoja e tregut të punës, çdo ditë e më shumë po rrit interesin e të rinjve drejt arsimit profesional në qytetin e Lezhës. Regjistrimet për vitin e ri shkollor kanë nisur në shkollën profesionale "Kolin Gjoka" në Lezhë dhe interesi i nxënësve që kanë përfunduar arsimin 9-vjeçar duket mjaft i lartë, sidomos në degën “Hoteleri- Turizëm”, e cila vijon të jetë më e kërkuar. 

“Nxënësit vijnë nga i gjithë rajoni i Veriut, por Lezha dominon me numrin e prurjeve. Deri më tani interesi më i lartë ka qenë “Hoteleri-Turizëm” dhe “Teknologji Informacioni” por nuk ngelen mbrapa dhe tre drejtimet e tjera”, u shpreh Drejtor i Shkollës "Kolin Gjoka", Bardh Dedgjonaj.

Brenda ambienteve të shkollës profesionale në Lezhë do të ngrihet dhe një restorant për zhvillimin e praktikave profesionale të nxënësve. Në shtator do të hapë dyert edhe konvikti i ri.

“Këtë vit në shkollë do hapim një kuzhinë dhe do bëjmë një restorant që të jetë dhe drejtimi me mundësi praktikash jo vetëm në të gjitha bizneset e mrekullueshme të Lezhës por edhe në shkollë. Risia tjetër është edhe konvikti I  ri që do të jetë më standardet më të larta”, vijon ai.

Për vitin e ri shkollor është shtuar edhe numri i kategorive të nxënësve për përfitimin e bursave, duke ju ardhur në ndihmë dhe atyre që nuk kanë mundësi financiare për të ndjekur shkollën.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00