Rritet interesimi për Etrit Berishën
Sasuolo 3 mln Euro për shqiptarin

Pas ekipeve angleze Everton, Watford apo edhe Aston Villa në garë për shërbimet e portierit të kombëtares shqiptare, Etrit Berisha është futur edhe Sasuolo.
 
Ekipi i Serie A ka ofruar 3 milionë Euro për shqiptarin, por vështirë që Lazio do të linte të lirë me këtë shifër, pasi pretendon më shumë.
 
Berisha nuk shihet si portier i parë te Lazio nga trajneri Marcelo Bielsa dhe për këtë arsye do të largohet nga ekipi, por italianët do të tentojnë deri në fund që të marrin maksimumin, prandaj tani janë në momentin e vlerësimit të ofertave.

Berisha bëri një paraqitje pozitive me Shqipërinë në Kampionatin Europian të Francës, edhe pse kuqezinjtë nuk arritën që të kalonin grupin. 



d/b.shqiptarja.com