Rritet me 18 mld lekë fatura për kompensimin e pronave! Në 5 vite janë paguar vetëm 788 ish-pronarë, Manja: Përfundoni procesin

Në Shqipëri do të flitet gjatë për çështjen e pronave.  Deri në vitin 2020 janë kompensuar vetëm rreth 4.4% e ish-pronarëv, dhe parashikimi ligjor për të mbyllur çdo hesap me pronarët deri në vitin 2026, duket i parealizueshëm.

“Tashmë do të duhet të ketë një limit kohor se kur do i japim fund trajtimit të pronave të ish-pronarëve. Ish pronar e prona askund”, u shpreh në Komision Manja.

Nga viti 2016 kur ligji i ri për trajtimin dhe kompensimin e pronave hyri në fuqi, nga mbi 18 mijë vendime për kompensim, aktualisht janë trajtuar vetëm 788 dosje dhe janë dhënë për ish-pronarët 7.56 miliardë lekë dhe 713 hektar tokë.

Gjatë raportimit në komisionin e Ligjeve, kryetarja e ATP-së Jonida Baçi, tha se vlera totale e kompensimit të të gjithë ish-pronarëve, është 101 miliardë lekë. Ky fond nuk jepet i gjithi në para, por edhe në sipërfaqe toke, pasi shteti ka vënë në dispozicion për kompensimin e ish-pronarëve 50 miliardë lekë dhe 23 mijë hektarë tokë.

Konkretisht të gjithë qytetarët që janë subjekt i kompensimit kanë dy zgjedhje. Mund të marrin 20% në  lekë dhe 80% të vlerës, tokë, ose mund të marrin 40% të fondit lekë por në këtë rast, pjesa tjetër prej 60% i falet shtetit. Pra sipas ATP-së në të dyja mënyrat e kompensimit buxheti i dhënë nga shteti është i mjaftueshëm.

Kryetarja e ATP, u shpreh se pas vendimit të Gjykatës Evropiane të Drejtave të njeriut, për çështjen ‘Beshiri kundër Shqipërisë dhe 11 kërkesa të tjera’, janë bërë edhe ndryshimet e kërkuara në ligj, ku është rritur fatura financiare që shteti do të paguajë për mbi 10 mijë subjekte.

“Nga ndryshimet e bëra do të përfitojnë afërsisht 10.120 subjekte. Fatura financiare që do të përfitojnë në shtesë apo më tepër pronarët parashikohet të jetë rreth 18.2 miliardë lekë”, u shpreh kryetarja e ATP-së Baçi.

Çështja Beshiri kundër Shqipërisë dhe 11 të tjerë, kishte si akuzë pengesën që sipas ankuesve ligji i miratuar në 2015 kishte krijuar në kompensimin e tyre. Por sipas Gjykatës Evropiane të Drejtave të Njeriut, ky ligj kishte krijuar një mjetet ligjore që ish pronarët të marrin kompensim të plotë.

Po ashtu një tjetër ndryshim i bërë në ligj pas kërkesës së Gjykatës Evropiane është edhe kompensimi 100% në cash për vendime kompensimi që janë deri në 15 milionë lekë të vjetra.

“Është vendosur kompensim me 100% të vlerës cash për vendime me vlerë financiare deri në 1 milionë e 500 mijë lekë. Si rezultat i këtyre ndryshimeve bëhet e mundur tashmë që të përfitojnë 10085 subjekte të cilat do të kompensohen financiarisht me vlerë të plotë. Me këtë ndryshim që ne bëmë në dhjetor do të kompensohen rreth 60% e vendimeve dhe pjesa tjetër e vlerave të mëdha do tu jepet një mundësi më e mirë për të shkuar drejt kompensimeve sipas formave të kompensimit”, tha Baçi në Komisionin e Ligjeve.

(Kliko këtu ) Raporti vjetor i ATP për pronat

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

SPAK sekuestron pasuritë e dy ortakëve të Evis Berberit

SPAK sekuestron pasuritë e dy ortakëve të Evis Berberit