Rritet me 60% numri i personave me pagesë papunësie! Në 2020 u regjistruan 21 mijë punëkërkues më shumë

Mbyllja e ekonomisë si pasojë e pandemisë COVID-19, nxori të papunë rreth 43 mijë qytetarë, ndërkohë që ka rritur shumë edhe numrin e qytetarëve që janë regjistruar si punëkërkues. Sipas të dhënave të Institutit të Statistikave, në fund të muajit dhjetor 2020 ishin të regjistruar në zyrat e punës 91.452 qytetar ose rreth 21 mijë më shumë se në vitin 2019.

Nga ana tjetër në tre muajit e fundit të vitit të kaluar është rritur me 60% numri i qytetarëve që marrin pagesë papunësie ka arritur në mbi 6 mijë në tremujorin e fundit të 2020, nga 2,652 që ishte në të njëjtën periudhë të 2019.

Pagesa e papunësisë në vitin 2020 ishte sa 50% e pagës minimale në vend, ose 13 mijë lekë, por me vendim të qeverisë kjo shifër dyfishohet deri në përfundim të pandemisë.

Sipas shifrave ka pësuar rritje edhe numri i qytetarëve që trajtohen me ndihmë ekonomike si pasojë e pandemisë. Konkretisht nga 21.994 persona që ishin në tremujorin e katërt të 2019, në vitin e kaluar kjo shifër arriti në 28.944 persona.

Pandemia nuk ka lënë pa prekur edhe moshat e reja, që janë të punësuar kryesisht në sektorin e shërbimeve, bare e restorante. Në fund të 2020, janë regjistruar si punëkërkues 5.563 persona të grupmoshës 16-29 vjeç më shumë se në 2019.

PUNËKËRKUES TË REGJISTRUAR  NË TOTAL

T4 2019             70.524

T4 2020             91.452

Diferenca        +20.928

PUNËKËRKUES 16-29

T4 2019            15.372

T4 2020            20.935

Diferenca         +5.563

 

PËRFITUES TË PAGESËS SË PAPUNËSISË 

T4 2019             2.652

T4 2020              6.051

Diferenca         +3.399

PUNËKËRKUES ME NDIHMË EKONOMIKE     

T4 2019            21994

T4 2020            28944

Diferenca         +6.950

M.Q./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shaban: 21/03/2021 09:00

    Kot Mundohet Rama te na mbushe mendjen se do hape 300,000 vende pune kur pune kerkues jane vetem 91000.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!