Në rast se çmimet do të vazhdojnë të rriten mbi pritshmëritë e institucioneve, në të njëjtën masë do të indeksohen edhe pensionet. Drejtori i Institutit të Sigurimeve Shoqërore Astrit Hado në një intervistë për Report TV, sqaron se çfarë do të ndodh me pensionet nëse çmimet do të vijojnë të rriten në vitin e ardhshëm.
“Ajo që kemi llogaritur për indeksim është parashikim, por nëse do të shkojë indeksi 5%, nuk mund t’ju themi qytetarëve që do ju indeksojmë me 2.3%, sigurisht do të ketë rialokime fondesh. Nuk ka asnjë lloj rreziku, nëse indeksi del më i lartë sigurisht që fondet janë”, shprehet Astrit Hado.
Për indeksimin e pensioneve në vitin e ardhshëm janë parashikuar 2.6 miliardë lekë, dhe rritja do të jetë me 2.7%. Por në rast se inflacioni është më i lartë edhe fondi për pensionet do të rritet. Drejtori i ISSH shpjegon edhe arsyet se përse në vend nuk rriten pensionet por indeksohen.
“Indeksimi është detyrim. Ndërsa rritja është shtesë mbi pensionin dhe duhet shoqëruar me burime financiare shtesë, dhe nuk është problemi se nuk gjenden paratë për një vit të caktuar për të rritur pensionet, efekti mbetës i rritës që bëhet në një vit, kalon dhe më pas që do të thotë se duhet të rriten aq shumë shpenzimet saqë deficiti do të thelohet. Pra jep pensionin sot dhe koston ja lë një gjenerate tjetër”, sqaron drejtori ISSH.
Rritja e konsoliduar e ekonomisë dhe përmirësimi i pagave, do të kishte ndikimin më të madh pozitiv në rritjen e nivelit të pensioneve.
“Shqipëria duhet të ketë një rritje ekonomike të qenësishme, të ketë treg pune të zhvilluar që të ofroj më shumë punësim dhe paga të mira. Sigurimet shoqërore janë pasojë e tregut të punës, e nivelit të pagave, e shkallës së papunësisë që ka një vend. Duhet të ketë zhvillim ekonomik të qëndrueshëm dhe agresiv që të rriten pensionet”, pohon Hado.
Ndërkohë nga ana tjetër skema e pensioneve vazhdon të jetë deficitare për shkak se është rritur numri i pensionistëve, ndërkohë që kontribuuesit mbeten thuajse në të njëjtat shifra.
Lajme të tjera
-
Buxheti 2025 në Kuvend 12 orë diskutime/ Rama: 100 - 150 euro bonus për pensionistët në fundvit, marrin edhe në pranverë! S'rrisim taksat! PD: Mashtrim, i shërben oligarkëve, sjellin në seancë flamurin serb
18 Nëntor, 07:19 -
Më shumë lekë gjatë lejes së lindjes për gratë dhe shtëpi për familjet e vogla! Qeveria programe për shtimin e popullsisë
14 Nëntor, 14:40
-
Ervin Salianji letër një pensionisti nga qelia 6: Bëjë vetë drejtësinë që ne ta kemi borxh
4 Nëntor, 11:21 -
Xhixho: Rama vazhdon të tallet me pensionistët, indeksimi në 2025 do jetë lëmosha e radhës
4 Nëntor, 09:12 -
Meta reagon nga qelia: Pensionistëve u jepet një lëmoshë! Në 11 vite në pushtet Rama i varfëroi
2 Nëntor, 15:24 -
Veliaj me pensionistët e Njësisë 1: Reforma për sigurimet shoqërore, hap rrugën për pensione më dinjitoze
31 Tetor, 15:17 -
Basha akuza kryeministrit: Rama flet si drejtor azili, po përçan qytetarët me sipërmarrësit! Nuk fsheh dot dështimet, pensionistët meritojnë më shumë!
30 Tetor, 15:40 -
Rama: Ulje çmimi të energjisë elektrike për pensionistët brenda vitit! Rrisim pensionet gradualisht gjatë mandatit të katërt
29 Tetor, 13:56 -
Protesta e PD në Strasburg, Kulluri ironizon: Një avokat i Berishës kushton sa pensioni i 1 mijë pensionistëve!
23 Tetor, 15:35 -
Me pankarta në duar, pensionistët protestojnë para Kryeministrisë: Më shkojnë 70 mijë lekë ilaçe, kërkoj pension 400 mijë lekë
23 Tetor, 10:18 -
Rama për skemën e pensioneve: Situata njësoj si me energjinë elektrike, gjysma paguan për gjysmën tjetër! Do ndërhyjmë fort, pagat joreale janë krim e vjedhje
21 Tetor, 12:09 -
Takimi i Ramës me pensionistët, Malaj: Po shqyrtojmë rritjen e bonusit të fundvitit, reformë në skemë! Gonxhe: 1/5-a e buxhetit shkon për to, 2-3 të punësuar për një pension
21 Tetor, 11:24
