POP 5

Lajmet më të lexuara të 5 minutave të fundit

Ekonomi

Rritja e ekonomisë po ngadalësohet! FMN: Lufta në Ukrainë e konflikti në Gaza e Irak, rrezik për të ardhmen botërore

Me 3.1% pritet të rritet ekonomia e vendit këtë vit, duke u ngadalësuar në raport me vitin e kaluar. Ky është vlerësimi i bërë së fundmi nga FMN, ku rezulton se rritjen më të madhe në rajon do e ketë Kosova. FMN thotë gjithashtu se konfliktet ushtarake mund të sjellin përsëri rritje të çmimeve.

Milionat e turistëve, bumi i ndërtimeve dhe përqendrimi i investimeve kryesisht në pasuri të paluajtshme, duket se nuk janë të mjaftueshme për të garantuar qëndrueshmëri ekonomike. Ky konkluzion i Bankës Botërore, së fundmi mbështetet edhe nga Fondi Monetar Ndërkombëtar i cili thotë se ekonomia këtë vit do të ngadalësohet me 0.2%.

Në raportin e publikuar për ‘Ekonominë Botërore’ FMN, thotë se ekonomia këtë vit do të rritet me vetëm 3.1%. trendi rritës pritet të jetë i moderuar deri në vitin 2029, sipas institucionit ndërkombëtar në shifrat 3.4 dhe 3.5%. 

Me rritjen e parashikuar për këtë vit, vendi është poshtë Kosovës që do rritet me 3.8%, Malit të Zi që do jetë 3.7% dhe Serbisë që do të ketë rritje 3.5% sipas FMN. Ndërsa pas Shqipërisë është Maqedonia e Veriut me 2.7% dhe Bosnje Hercegovina me 2.5%. 

Në këtë raport FMN vlerëson se ekonomia botërore ka treguar qëndrueshmëri përballë goditjeve të vazhdueshme, nga pandemia, lufta e inflacioni. Por, të këto goditje ende janë rrezik për të ardhmen. 

Rritje të reja çmimesh mund të vijnë për shkak të tensioneve gjeopolitike, si lufta në Ukrainë, apo konflikti në Gaza dhe Izrael thuhet në raport. Kjo situatë mund të pasohet me norma të larta inflacioni përsëri dhe mund të sjellin barriera në tregtinë e mallrave. 

Tregjet e huaja kanë treguar se janë të ndjeshme nga konflikteve mes shteteve, pasi menjëherë pasi Irani sulmoi me raketa Izraelin çmimi i naftës bruto kapërceu në nivelin më të lartë që prej shtatorit të vitit 2023. 

RRITJA EKONOMIKE NË BALLKAN
Kosova               3.8%
Mali i Zi             3.7%
Serbia                 3.5%
Shqipëria            3.1%
Maqedonia e Veriut 2.7%
Bosnje                 2.5%
RRITJA EKONOMIKE SIPAS FMN 
Viti 2024      3.1%
Viti 2025      3.4%
Viti 2029      3.5%

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03