Sociale

Importi i lartë i ushqimeve sjell rritje çmimesh , s'ka prodhime vendave

Importi i fruta perimeve ka pësuar rritjen më të madhe gjatë këtyre viteve duke sjellë dhe rritje çmimesh për konsumatorët. Sipas të dhënave, mungesa e prodhimit vendas ka sjellë nevojën për import, ndërkohë që një tjetër arsye është mungesa e subvencioneve për fermerët.

Redaksia 15 Shkurt 2019, 18:56 | Përditesimi: 15 Shkurt 2019, 19:06

Importi i fruta perimeve vetëm gjatë vitit 2018 u rrit me 8% ndërsa eksportet ranë për herë të parë në këto vite me 1%. Shqipëria po pëson rritjen më të madhe të importeve krahasuar me vitet e kaluara. Sipas të dhënave të INSTAT në ndryshimin vjetor të eksporteve ka ndikuar negativisht grupi i ushqimeve.

Rritja e importit të fruta perimeve rrjedhimisht ka sjellë dhe rritje çmimesh për konsumatorët. Krahasuar me muajin Janar 2018, rritja më e madhe e çmimeve vërehet në grupin “Ushqime dhe pije joalkoolike” me 4,3 %, specifikisht frutat dhe zarzavatet kanë pësuar rritje drastike çmimesh.

Mungesa e prodhimit vendas ka rritur nevojën për të importuar produkte nga vende të ndryshme të botës, duke sjellë rritje çmimesh jo të zakontë gjatë muajve Janar-Shkurt të këtij viti. Një tjetër arsye është dhe mungesa e subvencioneve direkte për fermerët.

LEXO EDHE:
Çfarë nuk duhet të konsumojmë kurrë me stomakun bosh?

Sipas një analize që ka bërë Komisioni Europian në lidhje me politikat bujqësore në Ballkanin Perëndimor për periudhën 2010-2015 vihet në dukje fakti se Shqipëria jo vetëm që ka buxhetin më të ulët për bujqësinë në rajon, por edhe këto pak fonde nuk shkojnë në mbështetje direkte të prodhimit siç aplikohet nhë vende të tjera. Gjatë këtij viti, vendet me të cilat Shqipëria ka pasur rritje më të madhe të importeve, në krahasim me një vit më parë, janë: Turqia, Kina dhe Greqia.

G.M./r.k./Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com