POP 5

Lajmet më të lexuara të 5 minutave të fundit

Bota

Rritja e shifrave të koronavirusit, Britania e Madhe në izolim total! Shkollat të mbyllura deri në mesin e muajit shkurt

Britania e Madhe do të shkojë në një izolim total për shkak të rritjes së shifrave të koronavirusit. Do të lejohet lëvizja e qytetarëve vetëm për blerjen e ushqimeve, punë, aktivitet fizik të shoqëruar vetëm me 1 person apo dhe për urgjenca mjekësore. Të mbyllura do të qëndrojnë dyqanet e pakicave, palestrat dhe disa qendra të vogla shëndetësore. Baret dhe restorantet do funksionojnë me shërbimin 'merr me vete'.

Me rritjen e shifrave të koronavirusit, Britania e Madhe ka shkuar në një izolim total. Kryeministri i vendit, Boris Johnson ka bërë me dije pasditen e sotme se masat e reja do të hyjnë në fuqi menjëherë.

Qytetarët do të lëvizin në vend vetëm për arsye të rëndësishme, për të shkuar në punë, për blerjen e ushqimeve, stërvitje në natyrë të shoqëruar vetëm nga një familjar apo dhe për urgjenca mjekësore.

Të gjithë shkollat do të qëndrojnë të mbyllura të paktën deri në mes të muajit shkurt teksa do vijojë mësimi online.

Nga ky vendim do të preken dhe bizneset ku do të mbyllen palestrat, dyqanet e pakicës, disa qendra shëndetësore, pishina të mbyllura.

Ndërkohë baret dhe restorantet do të funksionojnë me shërbimin ‘merr me vete’ teksa nuk do t’u lejohet shitja e pijeve alkoolike.

Gjithashtu kryeministri Johnson u bën thirrje të gjithë qytetarëve që të qëndrojnë në shtëpi dhe të mbrohen nga koronavirusi.

Ai u shpreh se vaksinimi do të fillojë në Britani së shpejti sipas planit të qeverisë ku të parët që do e marrin janë pikërisht 4 grupet më të rrezikuara duke filluar nga mjekët.

Britania e Madhe për të disatën ditë me radhë ka shënuar mbi 50 mijë të infektuar në 24 orë ku këtë të hënë u raportuan 58.784 raste të reja me COVID-19.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

Itali/ Ndjekje si në filma në rrugët e Padovës, shqiptari i droguar dhe me precedentë përplas makinën me murin!

24 Janar, 22:56