POP 5

Lajmet më të lexuara të 5 minutave të fundit

Ekonomi

Rritja ekonomike 17.8% ekspertët skeptik: Nuk është reale, s’duhet krahasuar me vitin 2020! Të rriten investimet që nxisin punësimin

Ekspertët e ekonomisë janë skeptikë mbi rritjen ekonomike të vendit me 17.8% në tremujorin e dytë, pasi thonë se krahasimi është bërë me një vit të pazakontë. Sipas tyre është momenti që duhet rritur vëmendja për të investuar në punësim dhe për të rritur fuqinë konkurruese të ekonomisë.

Rritja ekonomike me 17.89%  në tremujorin e dytë të këtij viti krahasuar me vitin e kaluar, për ekspertët e ekonomisë nuk është reale. Krahasimi, thonë ata, është bërë me një vit të pazakontë, ndërkohë që të ardhurat e familjeve janë të njëjta.

“Nëse ne do të shohim dhe do të zbresim pak në ekonominë reale dhe do të shohim të ardhurat që qytetarët arrijnë të kenë në fund të muajit, do të shohim që është prapë e njëjta situatë ose është përkeqësuar. Kjo rritje që u komentua nuk ka asnjë lloj ndikimi në ekonominë reale, por është një rritje thjesht për pjesën financiare, pra të ardhurat e bëra kryesisht nga shitja e energjisë elektrike. Ne nuk kemi industri që të na japi këtë rritje kaq të madhe”, shprehet eksperti i ekonomisë Vjoldi Danaj.

“Krahasimi me një vit të pazakontë është i përjashtuar nga teoritë statistikore në interpretimin e të dhënave makroekonomike. Do të ishte mirë që krahasimi të bëhet në mesatare shumë vjeçare për të kuptuar tendencën reale. Përndryshe nëse rënia në vitin 2020 do të ishte 20% këtë vit do të rritej ekonomia me 27%, kjo nuk ndryshon asgjë në pjatën e asnjë qytetari”, pohoi eksperti Zef Preçi.

Për ekspertin Zef Preçi tani është momenti për të orientuar investimet drejt rritjes së punësimit.

“Mendoj që nuk ka shumë vend për entuziazëm por ka vend për të reflektuar sa i takon destinimit të burimeve buxhetore dhe mundësi për investime private në prodhimin vendas si rruga e vetme që zgjeron punësimin dhe rrit fuqinë konkurruese të ekonomisë tonë shqiptare”, tha Preçi.

Ndërsa eksperti Vjoldi Danaj pohon se mungesa e eksportit të energjisë në 6 mujorin e dytë të vitit do të ndikojë negativisht në ekonominë e vendit.

“Dy tremujorët e ardhshëm do të karakterizohen jo më nga kjo rritje 17% apo 5% që ishte në tremujorin e parë por do të karakterizohet nga një rritje shumë e ulët, ku mesatarja totale e të gjithë vitit 2021 do të jetë jo më shumë se 3.5%”, thotë Danaj.

Ndërkohë për qeverinë kjo rritje e lartë ka ardhur si pasojë e masave të ndërmarra nga qeveria gjatë vitit të kaluar për të mbështetur qytetarët dhe bizneset. Një ditë më parë zëvendëskryeministri Arben Ahmetaj dhe ministrja e Financave Delina Ibrahimaj u shprehën se ekonomia po shkon drejt shërimit dhe rritja e të ardhurave është mbi pritshmëritë e tyre.

I.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mirel Josa nuk është më trajneri i Besës! Pas 12 ndeshjesh në drejtim të ekipit kavajas ndërpritet marrëdhënia

Mirel Josa nuk është më trajneri i Besës! Pas 12 ndeshjesh në drejtim të ekipit kavajas ndërpritet marrëdhënia

25 Dhjetor, 16:30