POP 5

Lajmet më të lexuara të 5 minutave të fundit

Bota

Rrjedhja e mistershme e gazit në Indi vret 11 persona

11 persona kanë ndërruar jetë të dielën në shtetin Punjab të Indisë veriore mes tyre gra dhe fëmijë, ndërsa katër të tjerë janë shtruar në spital si pasojë e një rrjedhje gazi. Incidenti ndodhi në një zonë industriale në qytetin Ludhiana, por burimi i rrjedhjes së gazit është ende i paqartë, sipas deklaratës së policisë.

Rrjedhja e mistershme e gazit në Indi vret 11 persona

Rrjedhja e gazit në Indi vret 11 persona

Të paktën 11 persona kanë vdekur si pasojë e një rrjedhje gazi në veri të Indisë, ndërsa mes tyre janë gra dhe fëmijë. Në qytetin port të Ludhiana në shtetin Punjab disa persona të tjerë u gjetën pa ndjenja në shtëpitë e tyre. Zona u mbyll dhe banorët u evakuuan pas shumë vështirësive të raportuara në frymëmarrje. Katër janë duke u trajtuar në spital.

Burimi i rrjedhjes nuk është i qartë deri më tani, ndërsa një zyrtar u shpreh se gazi mund të jetë përhapur nga pusetat.

Agjencia e lajmeve PTI citon Zëvendës Komisionerin Ludhiana, Surabhi Malik, të ketë thënë: “Ne do të mbledhim mostra nga pusetat. Ka shumë të ngjarë që ndonjë kimikat të ketë reaguar me metanin në puseta.”

Rajinder Pal Kaur Chhina, një ligjvënës vendas, i tha agjencisë së lajmeve Reuters se incidenti kishte ndodhur pranë një dyqani qumështi. “Njerëzit që vinin për të blerë qumësht në mëngjes, ranë jashtë pa ndjenja”, tha ajo.

Një ekip nga Forca Kombëtare e Reagimit ndaj Fatkeqësive është dërguar në vendngjarje, në zonën Giaspura të Ludhiana, ku aty pranë ka fabrika.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Akuzat ndaj relatorit të çështjes së Salianjit, reagon Gjykata e Lartë: Ja pse i kaloi Sokol Binajt

Akuzat ndaj relatorit të çështjes së Salianjit, reagon Gjykata e Lartë: Ja pse i kaloi Sokol Binajt

27 Janar, 15:49