Rroga "amerikane" e
pedagoges, Argita Berisha

TIRANE- Në deklarimin e pasurisë për vitin 2011, Argita Berisha, vajza e kryeministrit shënoi se fitoi nga mësimdhënia në shkollat e vendit, publike apo private rreth 146 mijë dollarë.

Nga një kërkim i thjeshtë nëpër sajte universitetet të njohura në botë, Argita Berisha ka një rrogë, të përafërt me profesorët më të mirëpaguar amerikanë, në universitetet me të njohur të botës. Nëse i referohesh, ranglistës botërore të bërë nga Pak kohë më parë, gazeta prestigjoze "Neë York Times" publikoi pagat më të larta për profesorët në universitetet amerikane dhe lista kryesohej nga Harvardi, ku një profesor me kohë të plotë fitonte mesatarisht 191 mijë e 200 dollarë në vit, ndërsa në atë Pensilvanisë, një pedagog me kohë të plotë fiton mesatarisht 170 mijë dollarë në vit. Në universitet publike, në Institutin e teknologjisë së Nju Xhersit, një profesor me kohë të plotë fiton rreth 151 mijë dollarë në vit, ndërsa në vendin e dhjetë është universiti i Ratxhersit në Kamden, ku paga vjetore e pedagogëve është 137 mijë dollarë.

Argita Berisha, por edhe bashkëshorti i saj, Jamarbër Malltezi japin mësim në disa universitete private. Vajza e kryeministrit të vendit, Argita Berisha është një lektore e kërkuar nga privatët dhe ajo jep leksione në tre universitete private. Ajo figuron si pjesë e stafit akademik seniorë te universiteti Europian i Tiranës, është gjithashtu edhe pedagoge e jashtme te departamenti i Shkencave Juridike pranë universitetit "Kristal" dhe gjen kohë të japë leksione edhe për studentët e drejtësisë të universitetit "Luarasi". Ndërkohë që bashkëshorti i saj, Jamarbër Malltezi është pedagog i brendshëm tek departamenti i Arkitekturës i universitetit "UFO" dhe te "Kristal".

Sipas llogarive që ka bërë deputeti i PS-së, Taulant Balla paratë e fituara nga mësimdhënia e Argitës prej 146 milionë lekësh në vit ose 12 milionë lekë në muaj, janë sa rroga e përbashkët e 20 drejtorëve të shkollave në Tiranë. Këtyre u shtohen edhe 70 milionë lekë të vjetra nga i shoqi, Jamarbër Malltezi, sipas deklaratës së tij të pasurisë, të fituara nga mësimdhënia, në 2011, që në total shkojnë në 216 milionë lekë. Sipas përllogaritjeve, nëse çdo orë mësimi në fakultetet shtetërore paguhet maksimumi 10 mijë lekë dhe në fakultetet private paguhet maksimumi 30 mijë lekë, Jamarbër Malltezi ka bërë në 2011 2333 orë mësim, ndërsa Argita 4867 orë mësim në vit, ose në 223 ditë shkollore në total, nga 22 orë mësimi në ditë.

Shkrimi u publikua ne shqiptarja.com
(sg/shqiptarja.com)

TAG:
• argita berisha