Rrotacioni në Këshillin e Qarkut Lezhë sjellë incidente, dera hapet me forcë, ish-nën/kryetari: Do ngre padi

LEZHË-4 ditë pas konstituimit të Këshillit të qarkut të Lezhës, kryetari i ri i zgjedhur Eduart Ndreca është dashur që të njoftojë policinë për të hyrë brenda në zyrën e institucionit që ai përfaqëson për shkak se dera ishte e kyçur. Kanë qenë forcat e rendit të cilët kanë mundur të hapin me forcë derën dhe më pas kryetari i Këshillit të Qarkut të Lezhës është futur në zyrën e re.

Gazetari i Report Tv, Elvis Hila bën me dije se ish-nën/kryetari i Qarkut Agostin Marku ka akuzuar drejtuesit e rinj të zgjedhur pak ditë më parë se kanë uzurpuar me polici institucionin, duke hapur me forcë dorën kryesore të institucionit. Sipas Markut mandatet e Këshillit të qarkut janë antiligjore dhe për këtë do t'i drejtohen Gjykatës Administrative. Ai më pas pretendon se mandati i tij përfundon me 18 shtator dhe në këtë mënyrë nuk mund ta lëshojë zyrën.

Nga ana tjëtër kreu ri i Qarkut të Lezhës Eduard Ndreca ka nisur zyrtarisht punën mëngjesin e së martës. Ai ka thënë se paraardhësit janë njoftuar që prej katër ditësh por ata nuk kanë lëshuar zyrën prandaj u detyruan që të hapnin forcërisht derën.

Këshilli i qarkut Lezhë u konstituua më 6 shtator.  Në krye të këtij Këshilli është zgjedhur Eduart Ndreca. Ky i fundit ishte kandidatura e vetme për postin e kryetarit. Ndreca  gjithashtu mban edhe postin si kreu i PS për qarkun e Lezhës dhe pedagog në Universitetin e Shkodrës. Ai mori 14 votat e këshilltarëve të pranishëm në mbledhje, ku ishte i pranishëm edhe ministri i Brendshëm, Sandër Lleshaj. Në mbledhje mungonte vetëm kryetari i bashkisë Mirditë, Ndrec Dedaj.

/r.k./Shqiptarja.com

TAG:
• Lezhe
• eduart ndreca
• qarku i lezhes