POP 5

Lajmet më të lexuara të 5 minutave të fundit

Kronikë

Rruga e shembur në Mirditë vështirëson jetën e banorëve, rrezikojnë të bien në liqen

Rreth 5 mijë banorë në Mirditë rrezikojnë të mbeten në izolim për shkak se aksi Bukmirë-Rrëshen ka pësuar shembje në gjatësi të konsiderueshme. Ata flasim me shqetësim sidomos për fëmijët që shkojnë në shkollë përmes kësaj rruge.

Rruga Bukmirë-Rrëshen në Bashkinë e Mirditës është e shembur edhe pse ajo është rikonstruktuar dy vite më parë. Si pasojë e shembjes, automjetet rrezikojnë të bien në liqen. Banorët kanë protestuar prej dy muajsh, por Bashkia e Mirditës nuk ka marrë asnjë masë.

"Kjo nuk ka asnjë lloj parametri për rrugë. Nuk e kuptoj si lejon policia rrugore, se si hesht kryetari i bashkisë. Ministria e transportit. Nuk ka se si të ndjehet fatkeqësia ndryshe. Vetëm kur të bie një njeri në liqen. Ky mal ka ikur", u shpreh një banor.

"I lutem bashkisë, shtetit të marrë masa për këtë rrugë. Jemi mbi 50 familje këtu, plus 7 fshatra të Kaçinarit", tregoi një banor i zonës.

Në këtë aks kalon çdo ditë furgoni me nxënësit e shkollës, të cilët, të frikësuar detyrohen të përshkojnë rreth 1 kilometër në këmbë.

"Nga frika se mund të shembet rruga shoferi i fugonit na zbrit në tokë. Në kohë shirash kjo rrugë do shembet dhe ne nga momenti në moment mund të biem në liqen", tha një nxënëse.

 "Nuk është hera e parë që ne protestojmë për këtë rrugë. Ky është një skandal. kam 3 fëmijë në shkollë dhe kur bie shi unë dal e i pres", u shpreh një prind.

"Unë çdo ditë detyrohem me i ul fëmijët në tokë për të shmang një katastrofë. Ky popull është bërë "mish për top", tha shoferi i fugonit të nxënësve.

Segmenti rrugor Rrëshen-Bukmirë ka shembje dhe rrëshqitje dherash në të gjithë gjatësinë e tij, pasi mungojnë kanalet për kullimin e ujërave malor. Nëse nuk ndërhyhet, rreth 5 mijë banorë të njësisë administrative Kaçinar rrezikojnë të mbeten në izolim.

I.K/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjosa: 26/02/2021 18:39

    MBILLNI PEME O IDIOTE,,,,ATO E MBAJNE TOKEN...

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55