POP 5

Lajmet më të lexuara të 5 minutave të fundit

Sociale

Rruga Shkodër-Hani i Hotit, njollë e zezë aksidentesh! Aksi jashtë vëmendjes së ARRSH, mungon sinjalistika, ndriçimi dhe mbikalimet

Një ndër akset më të rëndësishme në vend  “Shkodër-Hani i Hotit” që lidh jo vetëm qytetet e fshatrat, por dhe pikën e kalimit kufitar me Malin e Zi ka mbetur jashtë vëmendjes së ARRSH-së. Në këtë rrugë mungojnë sinjalistika, ndriçimi dhe mbikalimet për banorët, duke u bërë shkak për aksidente të shumta me vdekje.

Rruga nacionale Shkodër – Hani i Hotit, është një nga njollat e zeza të aksidenteve në qarkun Shkodër. Report Tv kreu një vëzhgim në këtë segment ku shihet qartë mungesa e sinjalistikës dhe e mbikalimeve për banorët që kanë shtëpitë në dy anët e rrugës.

Të udhëtosh në mbrëmje është një mision i vështirë, pasi ka një mungesë të theksuar të ndriçimit në rrugë çka është bërë shkaktari kryesor i aksidenteve me vdekje në rrugën nacionale Shkodër – Hani i Hotit, që lidh Shqipërinë me Malin e Zi.

Në 4 muajt e parë të këtij viti janë regjistruar 7 aksidenteve  me të lënduar, kryesisht gjatë mbrëmjes për shkak të errësirës ku të dëmtuar kanë ngelur kalimtarë të cilët janë përplasur nga makinat për shkak të errësirës. Sa i takon statistikave, kjo rrugë ka marrë me dhjetëra jetë njerëzish, ndërkohë që viti 2022 mund të konsiderohet edhe si viti me numrin më të lartë të jetëve të humbura, me 8 viktima, ndërsa në vitin 2021 me 5 viktima.

Kjo është një kambanë alarmi për Autoritetin Rrugor Shqiptar, si institucioni përgjegjës për investimet dhe sigurinë rrugore.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Sulmet e Metës, Rama: Nuk komentoj ata që kanë çështje të hapur, SPAK të vazhdojë drejt! Ka mbështetjen time pa kushte

Sulmet e Metës, Rama: Nuk komentoj ata që kanë çështje të hapur, SPAK të vazhdojë drejt! Ka mbështetjen time pa kushte

24 Prill, 17:31