Për shkak të fluksit të lartë të automjeteve në akset kombëtare dhe urbane, Drejtoria e Policisë Rrugore ka shtuar kontrollet duke përdorur teknologji të avancuar si dronë, makina inteligjente, radarë automatikë dhe pajisje për matjen e nivelit të alkoolit.
Drejtori i Policisë Rrugore, Altin Qato, theksoi gjatë inspektimeve rëndësinë e parandalimit të shpejtësisë, parakalimeve të gabuara dhe drejtimit të automjeteve në gjendje të dehur. Ai apeloi për respektimin e rregullave nga drejtuesit e mjeteve, këmbësorët dhe përdoruesit e mjeteve alternative si monopatinat dhe biçikletat, duke kërkuar përdorimin e jelekëve fosforeshent gjatë natës.
Masat kanë si qëllim kryesor rritjen e sigurisë rrugore dhe shmangien e aksidenteve, veçanërisht gjatë periudhës festive kur fluksi i lëvizjes rritet. Drejtori Qato uron të gjithë qytetarët për festat e fundvitit dhe i fton të bashkëpunojnë me Policinë Rrugore për të siguruar një mjedis të sigurt në rrugët e vendit.
'Me qëllim parandalimin e aksidenteve rrugore, nisur dhe nga fluksi i madh i automjeteve që qarkullojnë në akset kombëtare dhe ato urbane, Drejtoria e Policisë Rrugore ka intensifikuar masat monitoruese duke përdorur dronë dhe mjete inteligjente shpejtësimatës.
12 makina inteligjente, 16 radarë automatikë, 6 dronë të cilësisë së lartë dhe dragera për parandalimin e drejtimit të automjetit nën ndikimin e alkoolit apo në gjendje të dehur do të monitorojnë 24/7 akset rrugore në të gjithë vendin.
Drejtori i Policisë Rrugore, Altin Qato, gjatë inspektimit në terren për të parë nga afër implementimin e këtyre masave, ka kërkuar nga punonjësit e Njësisë Operacionale të Policisë Rrugore, Komisariati i Policisë Rrugore Tiranë dhe Sektorët e Policisë Rrugore në qarqe që të kenë parësore parandalimin e shpejtësisë, parakalimet e gabuara, drejtimin e automjeteve dhe motomjeteve nën efektin e alkoolit apo në gjendje të dehur, si dhe ato parkime që bëhen shkas për bllokim të lëvizjes duke krijuar radhë e kaos në trafik.
Drejtor Qato, gjatë një prononcimi, ka apeluar për të gjithë drejtuesit e automjeteve, motomjeteve dhe këmbësorët që të respektojnë rregullat e qarkullimit rrugor, të tregojnë kujdes të shtuar gjatë lëvizjes për shkak të fluksit të madh të automjeteve që qarkullojnë, kjo edhe për shkak të ardhjes së shumë qytetarëve që jetojnë e punojnë përkohësisht jashtë vendit. Ai ka kërkuar që të tregojnë durim në raste kur lëvizja ngadalësohet për shkak të fluksit dhe që drejtuesit e motomjeteve, çiklistët dhe ata që lëvizin me monopatina, gjatë natës, të mbajnë veshur jelek fosforeshent për të shmangur ngjarjet rrugore.
Drejtori i Policisë Rrugore ka apeluar edhe për këmbësorët që të jenë sa më të kujdesshëm, të kalojnë në vijat e bardha, në mbikalime dhe vende të dedikuara për këmbësorë dhe të jenë vigjilentë kur kalojnë nga njëri krah i rrugës në tjetrin në ato akse rrugore ku mungojnë mbikalimet për qytetarët.
Policia Rrugore nuk ka aspak qëllim në vetvete vendosjen e masave administrative, por ka parësore sigurinë e jetës në rrugë dhe garantimin e lëvizjes së lirë të automjeteve dhe qytetarëve në rrugët e vendit, dhe kjo është arsyeja që janë intensifikuar masat.', njofton Rrugorja.
Komente
Lajme të tjera
-
Të çash trafikun në Tiranë, 'mision i pamundur'! 'Paralizohen' rrugët, radhë të gjata mjetesh edhe në autostradën Thumanë -Kashar (VIDEO)
20 Dhjetor, 17:32 -
Trafiku paralizon Tiranën, ‘karvane’ mjetesh në rrugë, qytetarët: Është bërë i padurueshëm, na streson
19 Dhjetor, 16:09 -
Parkimet e gabuara rëndojnë trafikun në Tiranë! Specialisti: Problem makinat luksoze, ja zonat kritike! Eksperti: Rrisni gjobat për ‘të fortët’
18 Dhjetor, 15:36 -
FOTOLAJM/ Ja si bllokohet trafiku në zonën e Bllokut në Tiranë
18 Dhjetor, 13:47 -
Gjoba deri në 100 mijë lekë, me shpejtësi deri në 120 km/h! Policia rrugore ndëshkon 589 shoferë në të gjithë vendin
9 Dhjetor, 14:21 -
Gara për drejtor policie në qarqe/ Burime: 12 kandidatët me pikët më të larta emërohen drejtues, ikin aktualët! Listën e kryeson Vilson Bala, mbetin jashtë Vocaj e Panganika! Renditja e 38 emrave me pikët e fituara
10 Nëntor, 12:59
-
Gara për Drejtor të Drejtorive Vendore të Policisë! ja lista me 43 kandidatë (EMRAT)
30 Tetor, 14:33
-
Bilanci për javën që lamë pas, Policia: Rreth 23 mijë gjoba, arrestohen 39 drejtues mjetesh
20 Tetor, 11:23 -
Bilanci për javën që lamë pas, Policia: Mbi 23 mijë gjoba, 38 shoferë të arrestuar
6 Tetor, 14:14 -
Video Lajm/ Reshjet e shiut freskojnë Vlorën pas të nxehtit përvëlues
19 Gusht, 14:42 -
VIDEO/ Trafik i rënduar në Bypassin e Vlorës! Radhë kilometrike automjetesh
17 Gusht, 22:55 -
Pamje/ Trafik i rënduar në Lezhë, orë të gjata pritje për të shkuar drejt plazheve
8 Gusht, 15:41
Bonju instruktazh për të mos masakruar shoferët me gjoba shefo. .
Përgjigju