Ruçi mesazh për ndarjen nga jeta të ‘Artistit të Merituar’ Agim Krajka: Iku pionieri i muzikës shqiptare! Kompozitori i rinisë dhe dashurisë

Kryetari i Kuvendit, Gramoz Ruçi, ditën e sotme ka shprehur një mesazh për ndarjen nga jeta të "Artistit të Merituar" Agim Krajka.

Ai shkruan se Krajka është një ndër pionierët e muzikës shqiptare, me krijimtarinë e vet artistike.

Ai shkruan se Krajka ka shkruar me mjeshtëri e finesë të lartë muzikën e valleve popullore nga të gjitha viset shqiptare.

Ruçi shtoi se artisti ishte dhe do të mbetet kompozitori i të gjithë brezave, por mbi të gjitha krijuesi i muzikës e këngëve të rinisë dhe dashurisë.

“Fitues i rreth 20 çmimeve artistike, Artist i Merituar dhe Nderi i Kombit, janë njohja prej kulturës dhe kombit shqiptar i veprës unike dhe universale të kompozitorit të talentuar e virtuoz Agim Krajka.”, shkruan kryeparlamentari.

Mesazhi i plotë i Ruçit:

“Agim Krajka është një ndër pionierët e muzikës shqiptare. Me krijimtarinë e vet artistike, Krajka krijoi shkollën e vet origjinale muzikore, si një harmonizim i muzikës së lehtë dhe muzikës popullore. Krajka ka shkruar me mjeshtëri e finesë të lartë muzikën e valleve popullore nga të gjitha viset shqiptare: jugu e veriu, ka shkruajtur valle   tropojane, dropullite e çame.

Agim Krajka ishte dhe do të mbetet kompozitori i të gjithë brezave, por mbi të gjitha krijuesi i muzikës e këngëve të rinisë dhe dashurisë. Fitues i rreth 20 çmimeve artistike, Artist i Merituar dhe Nderi i Kombit, janë njohja prej kulturës dhe kombit shqiptar i veprës unike dhe universale të kompozitorit të talentuar e virtuoz Agim Krajka”, shkruan në mesazhin e tij Kryetari i Kuvendit, Gramoz Ruçi

Kompozitori i njohur Agim Krajka humbi jetën ditën e djeshme në moshën 83-vjecare.

J.GJ./Shqiptarja.com

TAG:
• gramoz ruçi
• kompozitor
• Agim Krajka