Me rastin e Ditës së Çlirimit të Bullgarisë, Kryetari i Kuvendit, Gramoz Ruçi, i ka dërguar një letër urimi Kryetares së Asamblesë Kombëtare, Tsveta Valchieva Karayancheva.
Përmes letrës së tij Ruçi shkruan se Bullgaria sot është një mik dhe partner i Shqipërisë, duke shtuat se vitin tjetër mbushet shekulli i marrëdhënieve diplomatike mes dy vendeve.
Ai ka shprehur edhe mirënjohjen e thellë kundrejt Asamblesë Kombëtare të Bullgarisë për mbështetjen e vazhdueshme të Shqipërisë në rrugëtimin e saj drejt Bashkimit Evropian.
“Mbështetja e Bullgarisë dhe Juaja personalisht ka qenë një inkurajim i madh për avancimin e procesit të integrimit evropian të Shqipërisë.”, shkruan kryeparlamentari.
Ruçi tha se këtë mbështetje populli shqiptar nuk ta harrojë kurrë dhe se Shqipëria i është mirënjohëse Bullgarisë edhe për njohjen e Republikës së Kosovës/
Letra e plotë e Gramoz Ruçit:
“Me rastin e Ditës së Çlirimit të Bullgarisë, në emër të Kuvendit të Republikës së Shqipërisë dhe emrin tim personal, Ju dërgoj përshendetjet më të përzemërta. Çlirimi dhe shkëputja e Bullgarisë prej Perandorisë Otomane, 143 vjet më parë, është një ngjarje e shënuar historike, e cila hapi rrugën për të ardhmen e Bullgarisë si një shtet i pavarur dhe zhvillimin e mirëqenien e popullit bullgar.
Bullgaria është sot anëtare e Bashkimit Europian dhe NATO-s si edhe një vend mik e partner i Shqipërisë.
Vitin që vjen mbushet një shekull i marrëdhënieve diplomatike midis të dy vendeve tona. Marrëdhëniet politike midis Shqipërisë dhe Bullgarisë janë shumë të mira, të qëndrueshme dhe po zgjerohen e forcohen, duke u mbështetur në traditën shekullore të lidhjeve miqësore midis të dy popujve tanë si edhe në mikpritjen dhe mbështetjen e Bullgarisë për diasporën dhe patriotët shqiptarë dhe kontributin e tyre për pavarësinë dhe çështjen kombëtare shqiptare.
Gjej rastin t’Ju shpreh mirënjohjen e thellë Juve dhe Asamblesë Kombëtare të Bullgarisë për mbështetjen e vazhdueshme të Shqipërisë në rrugëtimin e saj drejt Bashkimit Europian. Mbështetja e Bullgarisë dhe Juaja personalisht ka qenë një inkurajim i madh për avancimin e procesit të integrimit europian të Shqipërisë. Vendimi i marrë nga Këshilli i Bashkimit Europian në daten 25 mars 2020 për hapjen e negociatave për anëtarësimin e Shqipërisë, është edhe rezultat i mbështetjes së Bullgarisë. Këtë mbështetje populli shqiptar nuk do ta harrojë kurrë. Shqipëria i është mirënjohëse Bullgarisë edhe për njohjen e Republikës së Kosovës dhe mbështetjen për rritjen e rolit të saj në organizatat dhe marrëdhëniet ndërkombëtare.”, shkruan në letrën e urimit Kryetari i Kuvendit, z. Gramoz Ruçi.
Lajme të tjera
-
25 vjet Putin, nga miku në armik
25 Dhjetor, 12:41 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Ministri i Jashtëm i Jordanisë do të zhvillojë bisedime me liderin e ri të Sirisë
23 Dhjetor, 11:52 -
Greqia dhe Italia, ku ka më shumë shqiptarë, kanë emigrantët më të mbikualifikuar në Europë
23 Dhjetor, 09:34 -
Mandarinat me pesticide, Ministria e Bujqësisë: Kemi bërë kallëzim penal për grumbulluesit! Gjobë e bllokim aktiviteti për shkelësit
23 Dhjetor, 08:46 -
Mali i Zi, opozita bojkoton Parlamentin për shkak të Gjykatës Kushtetuese
21 Dhjetor, 22:33 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
BE-ja shpreson për progres në integrimin e serbëve pas zgjedhjeve në Kosovë
21 Dhjetor, 16:47 -
BE 30 miliardë € për Ukrainën vitin tjetër! Costa: Koha për ta forcuar
20 Dhjetor, 08:47 -
Presidenti italian: Rreziku i ndërhyrjeve të jashtme në Ballkan është tepër i lartë
20 Dhjetor, 07:36 -
Metsola: Ndërhyrja ruse në Ballkanin Perëndimor, ndër shqetësimet tona më të ngutshme të sigurisë
19 Dhjetor, 16:56 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07
