TIRANË- Me përjashtimin e Sali Berishës të shpallur ‘Non Grata’ nga SHBA, situata në Partinë Demokratike, nuk është “rozë” dhe këtë e pranon vetë kreu i grupit parlamentar Alfred Rushaj i cili ishte i ftuar sot në '5 pyetjet nga Babaramo' në Report Tv, megjithatë, ai refuzon që ta quajë një konflikt. Përtej deklaratave e akuzave të ashpra nga Sali Berisha se Lulzim Basha është një lider i thyer dhe tentativës së tij për ta larguar nga kreu i PD-së, Rushaj, e quan një debat emocional mes demokratëve, por kurrsesi një konflikt mes “babait dhe birit politik”. Me rënien e emocioneve, Rushaj thekson se do të logjikohet se përjashtimi i Berishës, ishte vendimi më i mirë që Lulzim Basha mori, pasi kjo shmangu një "luftë" të vërtetë me SHBA-në.
“Që ka një debat është e qartë, do të isha i pa sinqertë nëse do thoja që çdo gjë po shkon shumë mirë, konflikt nuk mund të quhet, ka një debat, debat emocional mes demokratëve, Berisha ngjall shumë emocione te ne demokratët, jemi rritur duke parë betejat opozitare të tij. Situata nuk është rozë, që nuk ka debat, nuk mund ta themi, por kjo gjë mendoj që nuk mund të karakterizohet si konflikt dhe me kalimin e kohës, kur emocionet të bien, njerëzit do të mund të identifikojnë gjënë që është më e logjikshme, atë vendimmarrje që ka eliminuar një konflikt të vërtetë ndërmjet PD dhe një partneri të rëndësishëm siç është SHBA”, tha Rushaj.
Figurat që u është besuar që të mbajnë peshën në opinionin publik lidhur me arsyetimin mbi vendimin për përjashtimin e Sali Berishës, sa herë që janë pyetur japin të njëjtin argument: ‘Basha mori këtë vendim për të shmangur pasojat që do të rëndonin mbi PD’! “Recitimi” i kësaj fraze, për Rushajn, nuk do të thotë se ka një tekst apo një urdhër nga vetë Basha, por është thjesht e vërteta, më e mira për demokratët në rrafsh afatgjatë.
“Nuk ka një tekst të gatshëm që e përsërisim, është shumë emocionale dhe delikate për një arsye, nuk besoj se Berisha ka marrë ndonjëherë lekë gjatë ushtrimit të detyrës, por vendimmarrja ndaj tij nuk varet, e ka marrë dikush tjetër. Vendimin e ka marrë Blinken dhe Basha duhet të merrej me pasojat që mund të kishte me PD, pavarësisht si ju duket juve, ajo çfarë është e pranueshme është se vendimmarrja ka pasur në konsideratë, interesin më të mirë afat mesëm dhe afatgjatë”, tha ai.
Në një kohë kur Berisha synon largimin e kryedemokratit, për Rushajn nuk ka dyshim që Basha është kryetari legjitim i PD-së që ka dalë nga zgjedhjet legjitime.
“Nuk besoj që ka dyshim që ai është kryetar legjitim i PD, pavarësisht komenteve apo pakënaqësive që dikush mund të ketë. Berisha ka qenë një figurë e rëndësishme e PD, mandati i Bashës është i qartë se dhe vetë Berisha e ka pranuar se ai nuk është i përfshirë në çështjen e vendimmarrjes së PD dhe kjo është e vërtetë, votëbesimi i demokratëve është për kryetarin legjitim”, tha ai.
Akuzës se Lulzim Basha, njëjtë si paraardhësi i tij, nuk shkon dot në SHBA, Rushaj nuk dha një përgjigje shteruese.
“Basha nuk shkon dot në SHBA? Nuk e besoj, nuk i kam kërkuar Bashës që të më tregojë pasaportën apo vizën”, tha ai.
Në fund, kreu i grupit parlamentar të PD-së tha se më LSI-në ka një marrëdhënie korrekte, por jo një marrëveshje të shkruar në letër, e ndërsa sa i përket bashkëpunimit me mazhorancën për ndryshimet në Kushtetutë, ai shtoi se përveç deklaratave në media, nuk kanë marrë një propozim konkret. Për rrjedhojë, nuk po e diskutojnë një mundësi të tillë.
Një nga akuzat më të rënda që ka ardhur nga vetë ish-kryeministri Sali Berisha, gjithmonë pasi u përjashtua nga grupi i PD-së, është se Lulzim Basha nuk mund të shkojë në SHBA. Lidhur me këtë akuzë i pyetur në Report Tv, kreu i grupit parlamentar të PD-së, Alfred Rushaj nuk dha një përgjigje shteruese, por tha se Basha “mund” të shkojë për vizitë pune në Amerikë.
“Basha nuk shkon dot në SHBA? Nuk e besoj, nuk i kam kërkuar Bashës që të më tregojë pasaportën apo vizën. Besoj se mund të shkoj sa herë të ketë ftesa apo takime pune në Amerikë”, tha Rushaj.
Kreu i Grupit Parlamentar të PD-së, Alfred Rushaj, nuk ka dashur që të flasë shumë për takimin e ambasadores së SHBA-së, Yuri Kim në selinë blu me Lulzim Bashën. Ai tha se ajo që është me rëndësi është mesazhi që ajo ka dhënë më herët përtej zhvillimeve në PD, se SHBA do të punojë gjithnjë e më ngushtë më këtë forcë politike.
“Gjërat që nuk janë bërë publike nuk duhen bërë publike, kam dëgjuar deklaratën çfarë Kim tha, që SHBA janë të gatshme të punojnë më ngushtë se asnjëherë me PD dhe kryetarin e saj si dhe kënaqësinë, kur tha se është e gatshme mezi pret që të bashkëpunojnë me PD në qeverisjen e ardhshme janë mesazhe të qartë”, tha Rushaj për Babaramon.
Ndryshimet në Kushtetutë për zgjatjen e Vettingut si dhe reformën territoriale kërkojnë bashkëpunimin mazhorancë dhe opozitë. Megjithatë, përtej shtrirjes së dorës nga ana e mazhorancës, kreu i grupit parlamentar të PD-së, Alfred Rushaj thotë se nuk ka asnjë propozim konkret nga PS-ja.
“Nuk kemi marrë asnjë propozim, është bërë publik, por është e njëjta gjë me reformën administrative, ne kemi një qëllim dhe projekt, dhe kur unë kërkon ndryshim Kushtetues duhet të them se çfarë nuk shkon dhe çfarë duhet të arrijë, nuk i kemi parë dhe nuk i kemi marrë, dhe do flasim atëherë kur do të na paraqiten”, tha Rushaj.
Lajme të tjera
-
Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!
4 Nëntor, 22:51 -
Fati pensionistëve/ Ish-minatori: Si u takova me kryeministrin! I kërkova statusin, ishte i painformuar! Shabani: U merret përqindja te buka që blejnë
4 Nëntor, 21:50 -
Skënder Minxhozi: Kur humbesh pas detajeve e harron pyllin
4 Nëntor, 20:53
-
'Video e Shkëlzenit te zyra e Priftit!' Gazetari Doçi zbulon në 'Studio Live': Si e shantazhoi Meta, Berishën, kur ia kopsiti dosjen në 2009! Noka në hetim pasuror! Nga i pastrehë, me pasuri 1 mln euro
4 Nëntor, 19:22 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
'PD nuk më duket në mosbindje civile, duhet të flasim për buxhetin', Pampuri në 'Studio Live': Arrestimi i Metës, për të bërës pis punën e SPAK
4 Nëntor, 17:40 -
SHËNIM/ Modeli i Lindës dhe modeli i Lirisë si grua kryeministri
4 Nëntor, 16:15 -
PD jashtë komisioneve ku u diskutua buxheti, Spaho për Report Tv: S’ishte vendim politik, jemi të përjashtuar! Duam qeveri teknike për zgjedhje të lira
4 Nëntor, 14:57 -
Berisha denoncon punimet në Unazën e Madhe: Lubi Balluku e ndau në 14 lote për të vjedhur! Ndërtojnë me çmime 10-fish më të larta se Kroacia! Të bëjmë betejë për minimumin jetik 200 euro
4 Nëntor, 13:29 -
Zaloshnja: PD-ja dhe votat e emigrantëve, kur kërkon të vësh vetulla, mund të nxjerrësh sytë
4 Nëntor, 09:05
-
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44 -
Përfaqësuesit e opozitës shqiptare në SHBA pranë Republikanëve! Deputetët Vokshi dhe Mediu ndjekin fushatën presidenciale dhe të Kongresit në Kaliforni
3 Nëntor, 17:43
