Rusia ka kërcënuar Ukrainën për “pasoja të pakthyeshme” pasi hodhi akuzat se një predhë ukrainase ka qëlluar brenda shtetit rus duke lënë të vdekur një person. Por, Kievi zyrtar ka hedhur poshtë pohimet duke i cilësuar akuzat krejtësisht të pabaza dhe absurde. Zyrtarët ukrainas thonë se separatistët proruse mund të jenë përgjegjës duke nxitur Moskën të ndërhyjë në favor të tyre.