POP 5

Lajmet më të lexuara të 5 minutave të fundit

Kosova & Rajoni

Russia Today: Vuçiç i gatshëm të njohë pavarësinë e Kosovës, për integrimin e Serbisë në BE

Russia Today shkruan në një artikull se presidenti serb, Aleksandar Vuçi është i gatshëm të njohë Pavarësinë e Kosovës, në këmbim të anëtarësimit të Serbisë në Bashkimin Europian.
Russia Today: Vuçiç i gatshëm të njohë pavarësinë e Kosovës, për integrimin e Serbisë në BE

Presidenti i Serbisë, Aleksandar Vuçiç

Katër ditë pasi urdhëroi ushtrinë serbe të vendosë gatishmërinë luftarake, presidenti serb Aleksandar Vuçiç po viziton Moskën, ku është takuar me homologun e tij rus Vladimir Putin. Ndërsa Vuçiç tha se situata e krijuar në veri të Kosovës pas “ndërhyrjes” së Policisë së Kosovës do të ishte pjesë e diskutimit me Putinin, Kremlini theksoi se vizita ishte planifikuar muaj më parë dhe kjo vizitë nuk lidhej drejtpërdrejt me tensionet në Ballkan.

Vuçiç e vizitoi Rusinë në maj të këtij viti kur Rusia festonte “Ditën e Fitores”. “Russia Today”, shkruan se të shtunën e kaluar dhjetëra trupa kosovare kishin hyrë në një enklavë serbe në veri të Kosovës, duke marrë nën kontroll disa vende industriale. Kjo ndërhyrje e Prishtinës, sipas Russia Today, kishte shkelur marrëveshjet e arritura mes Prishtinës dhe Beogradit.

Serbia kishte reaguar duke vënë ushtrinë në gjendje lufte. Sipas analistit serb të kësai medie, Aleksandar Pavic, situata tashmë është qetësuar, por jo edhe potenciali për dhunë që ekziston në ato territore. Sipas këtij analisti Vuçiç ka pak mbështetje në Serbi për t’u pajtuar me Kosovën për ndonjë marrëveshje të mundshme.

Edhe Rusia i ka bërë të qartë Vuçiçit se nuk do të mbështesë ndonjë marrëveshje të mundshme me Kosovën, nëse marrëveshja nuk ka mbështetjen e popullit serb. “Serbia do të ketë përçarje të brendshme, sepse shumica e opinionit serb është kundër ndarjes”, tha Paviç. “Kjo është një çështje shumë delikate si për presidentin serb edhe për presidentin rus”, tha ai. 

Gjithashtu, analisti shtoi se nëse Kosova njihet si një shtet sovran nga Serbia, rezultati i mundshëm do të ishte që Kosova të bëhet pjesë e Shqipërisë, një anëtare e NATO-s dhe Moska e sheh NATO-n si një armike të Rusisë. Pavel Kandel, një ekspert për konfliktet etnike në Institutin e Akademisë Ruse të Shkencave, tha se tensionet janë produkt i dobësimit të pozitave të dy liderëve.

“Thaçi, pozita e të cilit në Kosovë është dobësuar, me të vërtetë duhej të tregonte se sa i ashpër është, se si ai është në gjendje të kontrollojë situatën atje dhe madje mund të udhëtojë në veri të Kosovës bashkë me forca të armatosura. E njëjta gjë vlen edhe për Vuçiçin dhe për grumbullimin e ushtrisë së tij. Ai duhej të tregonte se ishte gjithashtu një lider i ashpër”, i tha ai “Russia Today”.

Kandel tha se Vuçiç është i gatshëm ta pranojë Kosovën nëse Serbia futet në BE.

“Unë besoj se Vuçiç do të jetë i gatshëm të njohë pavarësinë e Kosovës në këmbim të anëtarësimit të Serbisë në BE. Por, shqiptarët [në Kosovë] nuk janë të gatshëm të pranojnë asnjë kompromis për të shpëtuar fytyrën e Vuçiqit”, përfundoi ai./Indeksonline/

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • gano: 04/10/2018 12:11

    Epo kjo politike e dhenies se shpreses per shqipetaret me duket si ca e vjeteruar. si puna e atij kalit te trojes po me duken. Serbia ka ndermend te fitoj kohe dhe dicka po pergatitet nen rrogoz se bashku me rusine.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Opozita jugkoreane me mocion për shkarkimin e ushtruesit të detyrës së presidentit

Opozita jugkoreane me mocion për shkarkimin e ushtruesit të detyrës së presidentit

26 Dhjetor, 09:13