Ashtu siç parashikohet nga nenet 67 dhe 175 të Kodit Zgjedhor, KQZ  ka gjobitur me 1 milion lekë LSI  pasi nuk ka respektuar nenin për kuotat gjinore në listën e deputetëve për zonën zgjedhore qarku Tiranë.
 
Në listën e kryeqytetit, LSI ka kandiduar tre femra në kryesimin e listës, Klajda Gjoshën, Kejdi Mehmetajn dhe Floida Kërpaçin, ndërsa Kodi Zgjedhor thotë se 1 në 3 emrat kryesues duhet të jetë i gjinisë tjetër.

Në këtë rast kemi të bëjmë me një "diskriminim" tek meshkujt, edhe pse sipas përfaqësuesve të LSI është bërë për një qëllim të mirë. 
 
Kjo gjobë është pritur nga LSI, për këtë arsye kreu i grupit parlamentar të LSI është shprehur më herët se nuk e ka problem të paguajë gjobën, e ndërsa është kundërshtuar nga Monika Kryemadhi. 


Redaksia Online
(B.K/Shqiptarja.com)