Vdekja e vajzës 19-vjeçare i ka shkaktuar tronditje të madhe babait të saj Shyqyri Koçi.
 
63-vjeçari i dëshpëruar nga humbja e të bijës ka shkuar në varrezat në Tufinë dhe ka prerë damarët me një thikë të vogël. Kanë qenë qytetarë të cilët e kanë gjetur Shyqyri Koçin të shtrirë mbi varrin e vajzës, ndërkohë që kishte prerë damarët e të dyja duarve.
 
Menjëherë i moshuari i transportuar në QSUT dhe ndodhet jashtë rrezikut për jetën.
 
Shyqyri Koçi i pyetur nga oficerët e policisë në spital tha se donte të largohej nga kjo botë edhe për shkak se më herët i kanë vdekur prindërit. “
 
“Jeta ime nuk ka kuptim pa vajzën. Më herët më kanë vdekur edhe prindërit. Ata ishin gjithshka për mua prandaj doja të largohesha”, u shpreh Koçi.
 
Policia thotë se i moshuari ishte edhe i dehur në momentin që ka prerë damarët. 

Redaksia Online
(B.K/Shqiptarja.com)