Podgoricë, 18 dhjetor Princi trashëgimtar i Emirateve të Bashkuara Arabe, sheiku Mohamed bin Zajed bin Sultan Al Nahian, gjatë një vizite disa ditë më parë në Malin e Zi, i la personelit të kompleksit ekskluziv rezidencial të Villa Goricas, një bakshish me vlerë 50 mijë euro.

Njoftimi i medias lokale ka krijuar irritim dhe polemikë në vendin e vogël ballkanik.

Përpara se të mbërrinte në Podgoricë, ku ai ndenji vetëm një natë, sheiku kërkoi listën e personelit të Villa Goricas, nga kamarierët, te kuzhinierët dhe deri te personeli i sisurisë duke përgatitur për secilin nga një zarf me të paktën 1 000 euro brenda.

Villa Gorica është kompleks rezidencial i kohës së ish-Jugosllavisë dhe sot shërben për vizita turistike, për pritje dhe takime zyrtare.

Personeli i saj merr një pagë deri në 600 euro në muaj