Ka një dëshirë të lexueshme tek opozita që ta shikojë Saimir Tahirin, jo si një deputet nën hetim, por si një shantazhues të Edi Ramës. Qysh nga fillimi i problemeve të tij gjashtë muaj më parë, e vetmja linjë që nuk ka ndryshuar tek opozita, është pikërisht kjo. Për gjashtë muaj çfardo që ka thënë dhe shkruar për Saimir Tahirin, janë legjendat urbane, se si ai, po shantazhon Edi Ramën.
Pra për opozitën këto gjashtë muaj nuk ka pasur rëndësi as ndonjë fakt rreth Saimir Tahirit, as ndonjë dëshmi kundër tij, as përshkrimi i ndonjë afere konkrete, por ideja se ai ka diçka për Edi Ramën. Pra më shumë se sa si problem, siç do t’i duhej opozitës ta shikonte një deputet kundërshtar të saj, të përfolur nga disa banditë, opozita e ka kthyer Saimir Tahirin në simbol shprese të saj. Çdo mbështetës i opozitës dhe çdo kush që e ka bërë atë pjesë të baltës publike, e shikojnë si një shpresë se ai mund t’i rrëzojë opozitës Edi Ramën.
Ilustrimi perfekt i saj ishte sot në Kuvend, kur një plak 74 vjeçar, që dikush i ka mësuar kamerën e celularit, ju afrua në mënyrën më qesharake të mundshme dhe i thoshte “Rrëfe çfarë i the Gaz Demit për Edi Ramën”. Pra një plak në atë moshë pranon të bëhet qesharak dhe vulgar, jo për të sulmuar Saimir Tahirin, jo për t’u çuar në tribunë dhe për t’u përballur me të, por për të shpresuar se mund të prodhojë ndonjë incident, duke e trajtuar si një shantazhues të Edi Ramës.
Edhe në paraqitjen që i bëjnë profilit të Tahirit tek diplomatët e huaj, atë e paraqesin po kështu. Deklarata e tij para Kuvendit, që imitonte fjalët e dikurshme të Edi Ramës kundër atyre që e kritikonin për të korruptuar, u lexua po ashtu. Çfardo që të bëjë me sa duket Saimir Tahiri, dhe nëse pi kafe me dikë dhe nëse pi vetëm, dhe nëse del shëtitje me djalin dhe nëse del me gruan, dhe nëse lëviz me makinë dhe nëse lëviz me këmbë, dhe nëse vjen në Kuvend dhe nëse nuk vjen në Kuvend, të gjithë shikojnë filxhanin për të kuptuar se çfarë do të thotë kjo kundër Edi Ramës.
Aq shumë është ngritur miti i tij nga opozita, si shantazhues i Edi Ramës, sa ai sot më shumë se sa urrehet, adhurohet prej opozitës, që mban sytë tek buzët e tij mos thotë ndonjë fjalë.
Dhe mendoni që një ditë historia gjyqësore e tij të përfundojë, çfarë drame mund të ketë opozita shqiptare. Nëse ai gjendet fajtor, opozita do të humbasë shpresën e saj si shantazhues i Edi Ramës, dhe nëse del i pafajshëm do të humbasë dhe betejën e saj. Por mbi të gjitha ajo sot po humbet dinjitetin e saj, duke kërkuar nga drejtësia një dëshmitar kundër Edi Ramës, meqë nuk ia dalin dot vetë.
Komente
Lajme të tjera
-
Hetimet për '21 janarin', Saimir Tahiri në SPAK pyetet edhe për kallëzimin që ka bërë ndaj Bashës: Ngjarje që duhet zbardhur (VIDEO)
1 Nëntor, 09:41 -
Mero Baze: Opozita duhet të gjej udhëheqës të tjerë, jo popull tjetër
30 Tetor, 07:22
-
Mero Baze: Ndëshkimi i rëndë që SPAK po i bën shtypit shqiptar
25 Tetor, 21:06
-
Mero Baze: Hakërrimi ndaj Altin Dumanit na tregon kush ka drejtuar Shqipërinë
24 Tetor, 20:45
-
Mero Baze: E besoj që në Strasburg janë çuditur!
23 Tetor, 19:55
-
Mero Baze: Tërheqja zvarrë tregon kë kemi pasur president, jo kë kemi polic
22 Tetor, 21:04
-
Mero Baze: Arsyeja përse Ilir Meta u arrestua sot, natyrisht është politike
21 Tetor, 19:09
-
Mero Baze: Pse PD po kundërshton dhe votën e diasporës?
20 Tetor, 21:17
-
Mero Baze: Si mund të jetë Argita ende pedagoge për 'drejtësinë'?
19 Tetor, 19:53
-
Mero Baze: Votimi elektronik dhe makthi i orës 20:00
18 Tetor, 20:47
-
Mero Baze: Mosbindja civile ka ndarë popullin opozitar nga Berisha
17 Tetor, 21:25
-
'Fantazma e 21 Janarit në mendjen e Berishës', ironizon Mero Baze: Tani spraj i Gardës i duket pistoletë, atëherë automatiku i dukej çadër
17 Tetor, 16:52
Po sikur te qene te verteta ,te gjitha keto qe thote ky derdemen ?Sigurisht qe ,me e paketa Tahiri do i ngrinte nje agallme (statuje );E Rama do ta bente kryeminister.Ne te zgjidhim hallet tona ,e drejtesia te beje punen e vet .
Përgjigju