Sako takim me banorët e Katundit të ri në Durrës: 500 milion lekë do të investohen për rikonstruksionin e rezervuarit dhe infrastrukturën e zonës

 

Njësia Administrative Katund i Ri ka ndryshuar rrënjësisht që me hyrjen në fuqi të reformës territoriale dhe tashmë pas disa vitesh ndryshimet janë të prekshme në infrastrukturën rrugore dhe ujin e pijshëm. Kështu është shprehur kryebashkiakja Emiriana Sako në takimin me banorët e Katundit të Ri duke shtuar se shumë familje përfitojnë strehim falas me programin e rindërtimit, ndërsa në shumë fshatra ka furnizim 24 orë me ujë të pijshëm.

“Kemi përfunduar mbi 96 shtëpi dhe jemi në përfundimin e të tjerave. Në lagjen e rindërtimit jemi në fazën e përfundimit. Do mund t’i japim sot shërbim mbi 16 mijë familjeve”- tha ajo.

LEXO EDHE:
Leje legalizimi dhe punësime për të votuar PS në zgjedhjet e 2019! Arrestohet zyrtari i kadastrës e kryeplaku i Saukut (EMRAT+VIDEO)

Në këtë njësi administrative është investuar në infrastrukturën arsimore, ku dy shkolla janë ndërtuar të reja, ndërsa është gati nisja e punimeve për ndërtimin e shkollës “Isuf Hoti”. Përveç investimeve në rrjetin e energjisë elektrike 20 kilovolt, bashkia e Durrësit ka investuar duke përforcuar argjinaturën e lumit Erzen për parandalimin e përmbytjeve si dhe pastrimin e 6 km kanale të para dhe të dyta. Në programin e ardhshëm 4-vjeçar është parashikuar që edhe në këtë njësi administrative të hapet treg rajonal për fermerët e zonës që të depozitojnë produktet e tyre, ndërsa 500 milion lekë do të investohen për rikonstruksionin e rezervuarit dhe infrastrukturën e zonës.

Lajmi kryesor:

‘Vendoret’/ Kandidatët e forcave politike në terren për bashkëbisedim me qytetarët

G.MO/r.k./Shqiptarja.com

TAG:
• zgjedhjet vendore
• politike