POP 5

Lajmet më të lexuara të 5 minutave të fundit

Politikë

Salianji lexon dëshminë e Ervin Muçës në Komisionin e TIMS: 5 pasaporta kaluan kufirin pa kontroll! Persona me rekorde kriminal i shpëtuan kontrollit të sistemit

Kryetari i komisionit hetimor të TIMS, Ervin Salianji zbardhi sot dëshminë me dyer të mbyllura të ish drejtorit të IT, Ervin Muçës. Salianji tha se Muça ka deklaruar se të paktën 5 numra pasaporte kanë kaluar pa u regjistruar në TIMS, ndërsa drejtuesit e policisë kanë neglizhuar një sulm kibernetik të ndodhur në 2021 në sistem.

TIRANË - Pasaporta të dyshuara të personave me rekorde kriminale kanë kaluar pa u regjistruar në sistemin TIMS. Ky fakt është pohuar nga ish drejtori i IT në policinë e shtetit Ervin Muça përpara Komisionit Hetimor të TIMS, në dëshminë me dyer të mbyllura, por e zbardhur këtë të premte nga kreu i Komisionit Ervin Salianji:

“Në sistemin e-gate ku janë lexuar 5 numra pasaporte për favorizime personale, duke shmangur kontrollin gjatë kalimit kufitar si persona në kërkim. Kjo procedurë mund të jetë përdorur edhe për persona të tjerë me rekorde kriminale që të kalojnë sistemin TIMS, keni shkatërruar sistemin”

Salianji thotë se në dëshminë e tij, ish drejtori i IT, sot në arrest shtëpie për daljen e të dhënave të sistemit TIMS, ka pohuar përpara deputetëve se TIMS është sulmuar edhe në 2021.

“Ky thotë, për qëllime okulte me veprime dhe mosveprime kanë fshehur krimin kibernetik të ndodhur në vitin 2021. Policia dhe Ministria e Brendshme tha nuk ka patur ndërhyrje, drejtori i departamentit thotë ka patur ndërhyrje. Me memon nr. 24 13, vihet në dijeni drejtori i Policisë së Shtetit për veprimet e kundraligjshme duke ndërhyrë dhe manipuluar sistemet, kam vendosur në dijeni drejtorin e policisë që është ndërhyrë duke manipuluar sistemet."

Kreu i komisionit hetimor solli edhe një tjetër dëshmi me dyer të mbyllura, atë të Ardit Muçes, ish-përgjegjës i Sektorit IT në Policinë e Shtetit që deklaronte se Ervin Muça u prezantua Drejtor I IT, përpara emërimit zyrtar të tij.

Sinkron Ervin Salianji Kryetar Komisioni TIMS

"Ka ardhur zyrtari i shtetit këtu dhe e pyes unë, se ju s’kishit pyetje, për cilën arsye u hoqët nga ky pozicion. Përgjigjet Ardit Muça, drejtori i sistemeve, jam emëruar në datën 16. Janë kontradiktore dëshmitë. Ky zotëria të thotë që në datën 26 jam thirrur nga Ervin Muça, ishte drejtori, paraqitur në detyrë në datën 19 qershor, prezantuar te i gjithë stafi. Ndërsa dokumentet janë bërë në datën 27. Kush është ky njeri që bëhet drejtor pa marrë emërimin?"

Mes debateve, Komisioni Hetimor I TIMS vendosi mbylljen e hetimeve duke mos zgjatur afatin e tij, ndërsa raporti përfundimtar do të miratohet të martën, kur përfundon puna e komisionit.

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?

Lajme të tjera



×

Lajmi i fundit

Alban Daci: Dorëzimi politik përballë një vendimi juridik

Alban Daci: Dorëzimi politik përballë një vendimi juridik

19 Korrik, 22:52 nga Alban Daci