Receta

Sallatë e çobanit me kastravec dhe karrotë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 18 Mars, 11:16 | Përditesimi: 18 Mars, 11:18

Sallatë e Çobanit me kastravec dhe karrotë

Përbërësit:

2 kastravecë të freskët
2 karrota mesatare
2 thelpinj hudhër
200 gr kos i trashë
2 lugë vaj ulliri
Kripë dhe piper sipas shijes
Pak kopër ose majdanoz për dekor

Përgatitja:

LEXO EDHE:
Thjerrëza me perime, një recetë plot shije ideale për Iftar nga zonja Albana

Qërojmë dhe grijmë karrotat në rende, ndërsa kastravecin e presim në kubikë të vegjël ose në feta të holla, sipas preferencës. Në një tas të madh bashkojmë kastravecin dhe karrotat. Shtypim hudhrën dhe e hedhim në një enë ku kemi vendosur kosin, shtojmë kripë, piper dhe pak vaj ulliri dhe e përziejmë mirë. Masën e kosit e shtojmë mbi perimet dhe e përziejmë lehtë derisa të kombinohen të gjitha shijet. Në fund e dekorojmë me pak kopër ose majdanoz sipër, shtojmë pak vaj ulliri të frestët dhe e vendosim në frigorifer për të paktën 15-20 minuta para se t’a shërbejmë.