Receta

Sallatë jeshile me një marinadë speciale nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 16 Tetor, 11:22 | Përditesimi: 16 Tetor, 11:23

Sallatë jeshile

Përbërësit:

1 tufë sallatë jeshile / rukola
1 kastravec
3-4 domate të vogla
½ limoni ose portokalli
Ullinj sipas dëshirës
Pak majdanoz
Kripë dhe vaj ulliri
Uthull molle ose limon

Përgatitja:

LEXO EDHE:
Gurabijet 5-lekëshe të nostalgjisë nga zonja Albana

Pastrojmë sallatën jeshile ose rukolën dhe ia heqim ujin me kullesën rrotulluese. Sallatën e këpusim me dorë në copa të mëdha dhe i vendosim bukur në pjatancë. Nëse kemi rukola gjethet i vendosim pa i prerë. Përsipër shtojmë kastravecin e prerë në kubikë, domatet e vogla, ullinj, disa kubikë portokalli ose limoni dhe majdanozin. Në një filxhan hedhim pak kripë, 1 lugë supe uthull, 2 lugë supe vaj ulliri dhe i përziejmë derisa të tretet kripa. Ia hedhim sallatës sipër.