Receta

Sallatë pule me kos dhe oriz nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 12 Qershor, 11:37 | Përditesimi: 12 Qershor, 11:39

Sallatë pule me kos dhe oriz

Përbërësit:

½ filxhan oriz basmati
3 lugë vaj ulliri
1 gjoks pule
¾ lugë çaji kripë
¾ lugë çaji piper i bluar
1 brokoli
½ filxhan kos
3 lugë uthull balsamike të bardhë
2 lugë qepë të grira
1 lugë gjelle ujë
2 gota rrush të kuq
1 degë selino
1 tufë majdanoz

Përgatitja:

LEXO EDHE:
Diples me arra dhe sherbet, ëmbëlsirë super e shpejtë nga zonja Albana

Vendosim orizin të ziejë dhe më pas e lëmë të ftohet. Ndërkohë ngrohim dy lugë gjelle vaj në një tigan të madh mbi nxehtësinë mesatare, shtojmë pulën me pak kripë dhe piper, e mbulojmë dhe e gatuajmë për 8 minuta. E kthejmë nga ana tjetër dhe vazhdojmë ta gatuajmë derisa të marrë ngjyrë kafe të artë. E largojmë pulën dhe e vendosim në një pjatë dhe pasi të jetë ftohur e presim në copa. Tek tigani shtojmë ujë të ziejë, më pas vendosim brokolin e ndarë në lule. Ulin nxehtësinë në mesatare-të ulët dhe e gatuajmë për rreth 4 minuta. Ndërkohë rrahim në një tas të vogël, kosin, uthullën, qepët dhe pjesën e mbetur të vajit, kripë dhe piper. Kombinojmë orizin, pulën, brokolin, rrushin, selinonë, majdanozin dhe qepët në një tas të madh. Hedhim salcën mbi sallatë dhe e shërbejmë.

MC/Shqiptarja.com

TAG: