Kryeministri, Edi Rama ka marrë pjesë në Samitin për Demokraci të organizuar nga presidenti i Shteteve të Bashkuara të Amerikës. Duke folur për agresionin rus, Rama ecilësoi samitin si tepër të rëndësishëm.
Ai tha se përmirësimi i jetës demokratike është përparësi kryesore e Shqipërisë.
“Një vit pas nisjes së agresionit rus në Ukrainë, ky raund i dytë i mbledhjes së demokracive në tavolinë fiton një kuptim të ri të rëndësisë. Si një vend që ka përjetuar regjimin komunist, Shqipëria që në momentin që është bërë pjesë e bashkësisë së demokracisve, jo vetëm që ka treguar një angazhim kombëtar për të ndërtuar një shtet bazuar në institucionet demokratike por ka ecur me këmbëngulje drejt këtij destiancioni në histori.
![]()
Nuk do mund të falenderojmë kurrë aleatët tanë strategjikë Shtetet e Bashkuara të Amerikës. Edhe pse një shtet i ri në bashkësinë demokratike Shqipëria ka treguar velerat në arnenën ndërkombëtare si anëtare e NATO-s por edhe duke përmbyshur detyra të veçanta si kryesimi i OSBE-së në vitin 2020 si dhe mandatin e përkohshëm si anëtare e përkohshme e Këshillit të Sigurimit të Kombeve të Bashkuara”-tha Rama.
Sa i përket nismës së ndërmarrë për luftimin e korrupsionit në administratë publike, Rama përmendi revolucionin digjital të shërbimeve publike në Shqipëri, që tashmë u ofron qytetarëve mundësinë e marrjes së mbi 1225 shërbimeve online.
Duke iu referuar veprimeve të SPAK së fundmi për hetimin dhe arrestimin e zyrtarëve të lartë që kanë kryer shkelje, Rama tha se falë Reformës në Drejtësi po bëhej e mundur ajo që pak vite më parë vetëm mund të imagjinohej.
“Reforma në Drejtësi që është në zemër të agjendës sonë, po i tregon vendit se të luftosh korrupsionin është jo vetëm e mundshme por e bëshme. Falë një reforme të tillë, ajo çfarë ishte historikisht e paimagjinueshme deri pak vite më parë, tashmë po bëhet e mundur, individët e lidhur me pushtetin, ndiqen penalisht dhe dënohen”-shtoi Rama.
Kreu i qeverisë falanderoi Shtetet e Bashkuara të Amerikës dhe Bashkimin Europian për mbështetjen e dhënë ndaj Shqipërisë.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
OK,E.Rama KM më i mirë në 32 vite në Shqipëri.I kudo ndodhur për të mirën e popullit Shqipëtar dhe për të dhën KONTRIBUT NDËRKOMBËTAR për PAQE NË BOTË. Para për fitore 100 % në 14 maj 2023.
PërgjigjuTë thërrasësh Ramën në këtë samit është sikur të thërrasësh një gjahtar më samitin e shoqatave të mbrojtjes së kafshëve të egra
Përgjigju