Kreu i Kuvendit, Gramoz Ruçi, i pranishëm në Samitin e kryeparlamentarëve të Ballkanit Perëndimor në Bruksel, ku merrte pjesë edhe Kryetari i Komisionit të Jashtëm te Parlamentit Europian, David Mcallister, nuk la pa komentuar çështjen e integrimit të Shqipërisë në BE. Në fjalën e tij, Ruçi u shpreh i keqardhur që shpejtësia e integrimit të vendit tonë, po ngadalësohet nga 'zgjimi i pasioneve të kaluara', duke iu referuar konflikti të Maqedonisë së Veriut me Bullgarinë, që ishte dhe arsyeja e mos-caktimit të një date për mbajtjen e Konferencës së Parë Ndërqeveritare.
"Kuvendi, Qeveria dhe institucionet shqiptare kanë zbatuar me përpikmëri të gjitha detyrat që parashikohen në rekomandimet e Komisionit dhe Këshillit Europian, lidhur me Reformën në administratën publike, Reformën në drejtësi, Luftën kundër korrupsionit, Luftën kundër krimit të organizuar dhe rritjen e shkallës së zbatimit të të Drejtave të njeriut", tha Ruçi.
Ndërsa liston detyrimet që vendi ynë ka plotësuar në mënyrë që t'i hapë rrugë procesit të integrimit, Ruçi thotë se ai e ka të qartë që nuk kemi arritur përsosmërinë, por shton se arritjet e Shqipërisë janë të dukshme dhe e meritojmë vendim-marrjen pozitive për mbajtjen e Tryezës Ndërqeveritare sa më shpejt.
"Pas publikimit të Raporteve të Komisionit Europian për Shqipërinë, Kuvendi ka hartuar e miratuar çdo vit Planin e tij të Veprimit për zbatimin e rekomandimeve të Raportit të KE-së për Shqipërinë, të cilat lidhen me: Forcimin e funksionit ligjvënës; Fuqizimin e rolit mbikëqyrës; Përmirësimin e etikës parlamentare; Forcimin e transparencës; dhe Forcimin e kapaciteteve administrative të Kuvendit. Unë, ashtu si edhe kolegët kryeparlamentarë në këtë sallë, e kemi të qartë se vendet tona nuk kanë arritur përsosmërinë. Por arritjet e Shqipërisë në procesin e integrimit janë të dukshme dhe dëshiroj të përsëris edhe njëherë që tashmë përformanca jonë e meriton vendim-marrjen pozitive për mbajtjen e Tryezës Ndërqeveritare sa më shpejt. Nuk ka më kuptim që vendet tona të paguajnë kosto që burojnë nga mëritë e vjetra të rajonit.", shtoi Ruçi.
.jpg)
Në Samitin e Dytë të kryetarëve të Parlamenteve të vendeve të Ballkanit Perëndimor, organizuar nga Parlamenti Europian, ku ishte i pranishëm edhe Presidenti i Parlamentit Evropian, David Sassoli, u diskutua mbi përshpejtimin e ritmeve të integrimit të vendeve të Ballkanit Perëndimor në BE si edhe forcimin e bashkëpunimit parlamentar midis vendeve të rajonit.
Në fjalën e tij Sassoli, nënvizoi se BE dhe PE do të vazhdojnë të mbështesin vendet e Ballkanit Perëndimor në përballimin e pandemisë COVID 19 dhe të sfidave të saj.
"Pandemia nuk na pengoi të shikojmë drejt të ardhmes dhe të ruajmë zgjerimin e BE-së si një prioritet të BE-së dhe PE-së. Vendi i Ballkanit Perëndimor është në BE, në këtë shtëpi të përbashkët europiane, dhe ne po punojmë që integrimi i rajonit të përshpejtohet dhe të mos shtyhet në kalendat greke. Ne do të fuqizojmë bashkëpunimin parlamentar në funksion të procesit të zgjerimit dhe konsolidimit të vlerave europiane. Bashkimi Europian është një shpresë për Ballkanin Perëndimor, por edhe Ballkani Perëndimor është një shpresë për Bashkimin Europian", tha ai.
Nga ana e tij Kryetari i Kuvendit, Gramoz Ruçi, falënderoi Sassolin, për vizionin dhe kontributin e tij për përshpejtimin e ritmeve të integrimit të Ballkanit Perëndimor, si edhe vlerësoi Presidencën Kroate, Gjermane dhe Portugeze të BE-së, të cilat e mbajtën përshpejtimin e integrimit të Ballkanit Perëndimor në krye të prioriteteve të tyre.
Në fund të Samitit, u nënshkrua një Deklaratë e Përbashkët e Kryetarëve të parlamentarëve të vendeve të Ballkanit Perëndimor, Presidentit të Parlamentit Evropian dhe Kryetarëve të Parlamenteve të Portugalisë, Presidenca aktuale, dhe Sllovenisë, Presidenca e ardhshme e BE-së, në të cilën u rikonfirmua roli kryesor i parlamenteve në procesin e zgjerimit dhe u angazhuan të punojnë së bashku edhe në kuadër të Samitit BE-Ballkani Perëndimor 2021.
Lajme të tjera
-
Hetimi pasuror, kryebashkiaku i Tiranës, Erion Veliaj paraqitet në SPAK (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Ballkani nën stuhi të forta bore
25 Dhjetor, 12:44 -
25 vjet Putin, nga miku në armik
25 Dhjetor, 12:41 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17
