POP 5

Lajmet më të lexuara të 5 minutave të fundit

Kosova & Rajoni

Samiti i Ohrit, Mrkic: Kosova s'është
anëtare e SEECP, prandaj nuk ishte

Ministri i Jashtëm serb shpjegon arsyet se pse shteti i ri nuk mund të marrë pjesë në takimin e 31 majit. Sipas tij, Serbia nuk ka asgjë kundër pjesëmarrjes së ministrit Enver Hoxhaj.
BEOGRAD - Sipas aktit të themelimit të Nismës së Bashkëpunimit të Europës Juglindore (SEECP), Kosova nuk ka akses në takimet e saj, pasi nuk është shtet anëtar. Kështu thotë ministri i Jashtëm serb, Ivan Mrkic, sipas të cilit, është kjo arsyeja se pse shteti i ri nuk mund të marrë pjesë në takimin që do të zhvillohet në Ohër, Maqedoni.

Mrkic u tha gazetarëve në Beograd se edhe pse organizatorët anuluan samitin, një takim ministerial do të mbahet në 31 maj sipas formatit “Gymnich”. Sipas tij, Serbia nuk ka asgjë kundër pjesëmarrjes së ministrit Enver Hoxhaj. Nën formulën “Gymnich”, pjesëmarrësit në takim angazhohen në diskutime të lira mbi probleme specifike, pa arritur në përfundime formale.

Në mbledhje të tilla, pjesëmarrësit përfaqësohen vetëm me emrin e tyre, pa përmendur postin apo vendin që përfaqësojnë. “Kosova nuk është anëtarë e SEECP, ndaj nuk mund të marrë pjesë në mbledhje”,-tha Mrkic, duke shtuar se çdokush shpresonte që pas marrëveshjes së Brukselit gjërat do të ndryshonin, por çështja në fjalë nuk përmendet në marrëveshje.  “Ne kemi pjesëmarrjen e Kosovës në konferecat rajonale. Prishtina mund të marrë pjesë”,-tha ai.

Redaksia Online
(b.y/shqiptarja.com)

/Shqiptarja.com
  • Sondazhi i ditës: 18 Janar, 08:40

    A duhen bërë publik emrat e politikaneve që kanë përdorur Sky Ecc?

Lajme të tjera



×

Lajmi i fundit

Speciale/ Rrugëtimi me pengesa i ‘K’cimit të Tropojës' drejt UNESCO-s

Speciale/ Rrugëtimi me pengesa i ‘K’cimit të Tropojës' drejt UNESCO-s

18 Janar, 13:08 nga Benet Beqiri