Ministrja e Shëndetësisë dhe Mbrojtjes Sociale Ogerta Manastirliu dhe Ministri i Shtetit për Diasporën, Pandeli Majko kanë vlerësuar kontributin e profesionistëve të shëndetësisë në Diasporë, në Samitin që u mbajt sot virtualisht dhe i kanë ftuar të kontribuojnë për fuqizimin e rrjetit të mjekëve shqiptare si brenda dhe jashtë vendit.
"Dua që të falenderoj të gjithë mjekët kudo, brenda dhe jashtë vendit për rolin që ata kanë patur përgjatë një viti që konsidohet më sfiduesi, në këto 100 vitet e fundit. Dua të falenderoj mjekët e diasporës për kontributin e dhënë jo vetëm për informacionet për publikun përmes medias, por edhe për atë që është më pak e njohur, por që është një kontribut i qënësishëm, për bashkëpunimin për të përmirësuar protokollet mjekësore, për mënyrën e menaxhimit të situatës së pandemisë dhe për të ndarë me kolegët e tyre në Shqipëri praktikat më të mira, në kohë reale në këtë situatë, me qëllim forcimin e kapaciteteve të burimeve njerëzore dhe me synim final përmirësimin e cilësisë së shërbimit për qytetarët dhe pacientët e prekur nga COVID19”, tha Manastirliu.
Duke vënë theksin tek përmirësimi i kushteve të punës dhe incentivave financiare, Ministrja e Shëndetësisë bëri me dije politikat e qeverisë shqiptare për profesionistët e shëndetit.
“Në asnjë moment nuk është ndalur vëmendja nga profesionistët e shëndetit, duke i mbështetur ata, duke krijuar kushte më të mira pune, duke rritur nivelin e pagave dhe incentivat financiare. Rritja historike e pagave, e konkretizuar këtë vit me 40% dhe në tërësi në këto 8 vite me 57% rritje pagash në të gjithë vendin, në të gjitha nivelet, nga ai parësor në atë terciar është një premtim I mbajtur për profesionistët e shëndetit. Gjithashtu, për të gjithë mjekët që punojnë në Shqipëri dhe ofrojnë shërbim jashtë vendbanimit, Qeveria ka alokuar një bonus të veçantë 2.5 milion lekë plus pagës. Duhet theksuar se përgjatë pandemisë, për të gjithë personelin mjekësor, mjekë, infermierë, staf mbështetës në spitalet Covid apo aty ku u shërbëhet pacientëve me Covid19, Qeveria ka vendosur bonusin special 1 mijë euro për mjekët dhe infermierët dhe 500 euro për personelin mbështetës, për të përkrahur mjekët, infermierët në frontin e parë të luftës kundër Covid19”, tha Manastirliu.
Duke folur për planin e vaksinimit, Ministrja e Shëndetësisë u shpreh se Shqipëria i ka kapacitetet dhe ka një plan ambicioz vaksinimi antiCOVID.
“Qeveria ka parapaguar rreth 1.6 milion doza vaksine, duke garantuar kështu vaksinimin e 800 mijë qytetarëve, me dy kontrata, me Pfizer dhe COVAX, ndërsa nuk i kemi ndalur kontaktet, qoftë me vende të Bashkimit Europian, qoftë me vende të tjera, për të siguruar ardhjen sa më parë të vaksinave, për të ecur me ritme të larta të vaksinimit. Duhet të jemi realistë, Shqipëria është e dyta në Rajon pas Serbisë që ka nisur vaksinimin dhe ne i kemi kapacitetet dhe ajo çka ne synojmë në planin tonë ambicioz, është që të mundemi të vaksinojmë popullatën në 14 muaj”, tha Manastirliu.
Duke folur për mënyrë e re të menaxhimit spitalor, Ministrja e Shëndetësisë u ka bërë thirrje mjekëve të diasporës për të kontribuar për krijimin e modelit të ri të autonomisë që pritet të fillojë nga Spitali I ri Memorial që po ndërtohet në Fier.
“Spitali Rajonal Memorial në Fier, që po ndërtohet falë ndihmës së Turqisë, do të jetë spitali i parë që do të pilotojë autonominë spitalore. Modeli që do të zbatojmë në spitalin e ri në Fier do të jetë një gur kilometrik për ndryshimin e menaxhimit të spitaleve tona. Do të sjellë më shumë rritje të cilësisë së shërbimeve për qytetarët, por edhe një model të ri për vlerësimin e personelit shëndetësor, përmes vlerësimit të performancës. Ndaj dua t’iu bëj thirrje të gjithëve ju, mjekë të diasporës, që të jepni kontributin tuaj personal në krijimin e këtij modeli të ri. Brenda dy javësh do të hapim thirrjen për rekrutimin e personelit mjekësor për këtë spital, i cili do të menaxhohet nga kolegë turk për një periudhë, deri sa të ngrihet modeli” bëri thirrje Manastirliu.
Deklaratat u bënë gjatë Samitit të Diasporës, i cili mblodhi virtualisht mjekë shqiptarë që japin kontributin e tyre në vendin tonë dhe jashtë Shqipërisë, për të forcuar urën e bashkëpunimit dhe shkëmbimin e eksperiencave. Ky aktivitet u organizua nga Agjencia Kombëtare e Diasporës, me mbështetjen e Ministrit të Shtetit për Diasporën dhe Ministrisë së Shëndetësisë dhe Mbrojtjes Sociale. Në takim po diskutohet për rolin e mjekëve të diasporës në përmirësimin e sistemit shëndetësor, sfidat në menaxhimin e pandemisë dhe procesin e vaksinimit.
Lajme të tjera
-
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Sulmi ndaj ambasadës shqiptare në Kiev, Majko zbulon mesazhin e koduar rus për Shqipërinë: Ata nuk bëjnë asgjë gabimisht
20 Dhjetor, 19:20 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
PS ndez motorët në Kukës, Majko: Opozita e vjetër destabilizuese, e reja populiste! Kushi: Më shumë angazhim për votën e diasporës
14 Dhjetor, 21:10
-
Fier/ Manastirliu takim me drejtuesit e shkollave: Pezullim deri në zbardhjen e ngjarjes të drejtuesve dhe oficerit të sigurisë të shkollës në Cakran
13 Dhjetor, 19:37 -
8 orë seancë për Sterilizimin/ Beqaj i ankohet GJKKO për kushtet: Thaçi me kompjuter e avokat afër, ne pas xhamit! Rrapaj pranon njohjen me ish-ministrin
12 Dhjetor, 15:22 -
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
Buxheti 2025, ekspertët: Shumë para në sasi, por pak cilësi, nuk ka politika të reja! Gjokutaj: Fokusi duhej te arsimi
2 Dhjetor, 17:10
-
'Vrasja e Martinit u përdor politikisht', Rama në Fier: Institut për fëmijët në krime! Brenda dhjetorit kamera në klasa! Kontroll për çdo gjë metalike
30 Nëntor, 13:07 -
Fier/ Rama dhe Manastirliu me prindërit tek shkolla 'Janaq Kilica' për kufizimin e TikTok dhe Snapchat! Ministrja: Këto platforma sfidojnë mësuesit dhe ndikojnë tek shëndeti mendor
30 Nëntor, 12:05 -
Vrasja e Martinit/ PD kërkon interpelancë me Manastirliun: Ngjarje e paralajmëruar, Paketa e Sigurisë propagandë
26 Nëntor, 15:34
