POP 5

Lajmet më të lexuara të 5 minutave të fundit

Kronikë

Sandër Lleshaj flet si drejtues i anti-KÇK-së: Gati fushata kundër kriminelëve (VIDEO)

Ministri thekson se ashtu siç parashikon ligji i miratuar tashmë ditën e sotme në mbledhjen e qeverisë, i jep mundësi policisë që të sekuestrojë pasuritë për të cilat ka dyshime se janë vënë në rrugë kriminale.

Ditët në vijim Policia e Shtetit do të ndërmarrë një aksion të gjerë për të gjithë ata që kanë vënë pasuri në mënyrë të dyshimtë.  Është ky paralajmërimi i fortë që ka bërë nga Berlini, Ministri i Brendshëm Sandër Lleshaj me miratimin e paketës Anti- KÇK. Ministri thekson se ashtu siç parashikon ligji i miratuar tashmë ditën e sotme në mbledhjen e qeverisë, i jep mundësi policisë që të sekuestrojë pasuritë për të cilat ka dyshime se janë vënë në rrugë kriminale.

"Menjëherë mbas miratimit të kësaj pakete, Policia e Shtetit është e përgatitur për të filluar një fushatë të rëndësishme për të targetuar të gjitha rastet e personave, të cilët kanë grumbulluar pasuri në bazë të aktivitetit kriminal dhe për këtë qëllim duke filluar nga ditët në vijim për të mos thënë orët në vijim, Policia e Shtetit do të angazhohet në një operacion të gjerë, ‘Operacioni Forca e Ligjit’, i cili synon pikërisht të vërë para përgjegjësisë cilindo, që përmes veprimtarisë kriminale ka grumbulluar pasuri dhe asete kriminale.

Ligji i jep mundësi Policisë të ndërhyjë dhe iu jep detyrimin të gjithë personave që kanë prona dhe pasuri të pa-sqaruara që të provojnë para gjykatave kompetente nëse prona e siguruar prej tyre është burim i financimeve të ligjshme apo në të kundërt i veprimtarive të paligjshme. Në rastin e dytë, pra në rastin e veprimtarive të paligjshme pasuria sekuestrohet, konfiskohet dhe më tej futet në proces administrimi në dobi të publikut" tha ai. 

Deklarata Ministri Lleshaj i bëri në fund të konferencës që u mbajt në Berlin, për kontrollin e armëve të vogla e të lehta në 6 vendet e Ballkanit Perëndimor ku ishte i ftuar me ftesë të Ministrit të Jashtëm të Gjermanisë dhe Ministrit të Jashtëm të Francës

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Cilat janë përfitimet shëndetësore që vijnë nga konsumimi i çokollatës së zezë

Cilat janë përfitimet shëndetësore që vijnë nga konsumimi i çokollatës së zezë

26 Dhjetor, 17:39