Në diskutimet që u zhvilluan më 19 qershor të këtij viti në Komitetin e BE-së për Politikë dhe Sigurisë, unioni nuk ra në ujdi për heqjen e plotë dhe direkte të sanksioneve ndaj Kosovës, por pritet pjesërisht dhe në mënyrë graduale.
Kreu i diplomacisë së BE-së, Josep Borrell ka kërkuar heqjen e plotë të sanksioneve të BE-së ndaj Kosovës, duke theksuar përpikmërinë e kësaj të fundit në zbatimin e kërkesa të bllokut nga Prishtina zyrtare.
Në lidhje me këtë, i ftuar në “Sot Live në Shqipëri” me Nertil Agalliun në Report Tv, ishte eksperti i sigurisë në Kosovë, Bedri Elezi.
Elezi theksoi se situata në Kosovë është ende e brishtë dhe se Serbia po vazhdon planin e saj për destabilizmin e Kosovë, por edhe Ballkanit.
“Akoma vlen vlerësimi se situata e sigurisë në Kosovë përkatësisht në Mitrovicën e Veriut është e brishtë dhe krejt kjo për shkak se Serbia nuk ka përfunduar përpjekjet e saj për të tensionuar situatën e sigurisë dhe për të eskaluar më pas edhe për faktin se Rusia është shteti i interesuar për të gjetur një shkak një arsye për destabilizim e situatës së sigurisë në të gjithë gadishullin ballkanik duke u nisur nga dy burime krizash: situata në Veriun e Kosovës edhe Republika Sërpska”,-tha Elezi.
Eksperti i sigurisë në Kosovë u shpreh i kënaqur që NATO dhe aleatët ndërkombëtar po lejojnë forcimin e FSK-së më armatime moderne, sidomos pas sulmit të Banjskës.
“Është lajm i mirë që shtetet që mbështesin Forcën e Sigurisë Së Kosovës, NATO dhe shtetet anëtare kanë lejuar të furnizohet me armatime të rënda dhe kjo ka ndodhur pas Banjskës. Kemi pasur në flotën e FSK-së kemi dronë luftarakë, si dhe raketat Javellin që u siguruan nga bashkëpunimi që FSK, ministria e Mbrojtjes dhe SHBA dhe Kosova ka marrë dritën e Gjelbër edhe për furnizimin me armatime të tjera që janë kryesisht në pjesën e mbrojtjes por që janë tejet të rëndësishme sepse janë armatime moderne”,- deklaroi ai.
Elezi nënvizoi se është nevojshme që BE të heqë sanksionet ndaj Kosovës, pasi kjo e fundit po respekton udhëzimet e bllokut, por edhe se është dëmtuar shumë nga këto masa.
“Besoj që është konsumuar mjaftueshëm çështja e sanksioneve dhe besoj se BE duhet të veprojë shpejt largimin e sanksioneve ndaj Republikës së Kosovës ngase duket se ka cënuar rëndë sigurinë ekonomike në Kosovë, ka cënuar disa aktivitete që lidhen pikërisht me çështjen e sigurisë. Ju e dini që Kosova është përballur seriozisht me furnizime dhe pajisje të ndryshme policore si rezultat i këtyre sanksioneve dhe ka dëmtuar rëndë buxhetin”,- tha Elezi.
Lajme të tjera
-
Financial Times: 800 milionë euro municione të eksportuara nga Serbia në vendet e treta që nga fillimi i luftës në Ukrainë
23 Qershor, 18:44 -
Hungaria merr presidencën e BE-së më 1 korrik! ‘Make Europe Great Again’, Orban: Fokusi tek emigracioni
23 Qershor, 18:16 -
Njoftime për 3 viktima si pasojë e sulmeve të ndërsjella nga Rusia dhe Ukraina
23 Qershor, 17:10 -
Sfidat e sigurisë mbledhin në takim ministrat e BE-së dhe të Ballkanit Perëndimor
23 Qershor, 13:41 -
Ukraina në errësirë për shkak të bastisjeve ruse! Vendos 12 orë ndërprerje energjie në ditë
23 Qershor, 11:27 -
Viti akademik 2023-2024, INSTAT: Arkitektura dhe ndërtimi dega e preferuar, rreth 6 mijë të regjistruar! Mes studentëve shqiptar edhe italian
22 Qershor, 17:33 -
Çfarë e lidh të djathtën ekstreme nga Serbia dhe BE-në?
22 Qershor, 16:28 -
Analiza: Euro 2024, arenë e rivaliteteve ballkanike
22 Qershor, 11:48 -
Borrell konfirmon Lajçakun në detyrën si i dërguari i BE-së për dialogun Kosovë-Serbi
22 Qershor, 11:42 -
Zyra e BE raport për mashtrimet me fondet e IPARD, OLAF: Aplikantët ndanin grantin me kompani konsulence, konkurse të manipuluara! Të bllokohen 112 mln €
21 Qershor, 19:16 -
“Pakthyeshmëria e reformës në drejtësi, synimi ynë”, Ambasadori i BE në Tiranë: Parlamenti të sigurojë pavarësi për anëtarët e rinj
21 Qershor, 17:35 -
Borrell takon kryediplomatët e Ballkanit Perëndimor
21 Qershor, 11:06
