Kancelari i Gjermanisë, Olaf Scholz dhe presidenti i Serbisë, Aleksandar Vuçiç, vizitojnë së bashku këtë të martë (10.12.2024) Autoritetin e Minierave Saksone në Freiberg të Gjermanisë, bëhet e ditur nga zyra e kancelarit gjerman në Berlin. Në fokus të bisedimeve është nxjerrja e qëndrueshme e litiumit.
Litiumi - tema e përbashkët
Si në Serbi, ashtu edhe në landin gjermanolindor të Saksonisë, supozohet të ketë sasi të mëdha të litiumit. Minerali është një komponent kyç për prodhimin e baterive të automjeteve elektrike. Projekti sakson synon të prodhojë rreth 12 000 tonë hidroksid litiumi në vit për një periudhë prej 35 vitesh, duke kontribuar në prodhimin e baterive për rreth 600 000 automjete elektrike çdo vit.
Shumë më e madhe është sasia e litiumit që planifikohet të prodhohet në Serbi: 58,000 ton litium në vit. Kjo sasi mund të mjaftojë për rreth 1.1 milionë automjete elektrike – afërsisht 17% të kërkesës evropiane.
Përparësi për kompanitë evropiane të automjeteve
Më 19 korrik 2024, Bashkimi Evropian dhe Serbia nënshkruan një marrëveshje për nxjerrjen e litiumit në Luginën Jadar në Serbi. Në ceremoninë e nënshkrimit morën pjesë kancelari gjerman Olaf Scholz, presidenti serb Aleksandar Vuçiç dhe nënkryetari i atëhershëm i Komisionit Evropian, Marosh Shefçoviç.
Angazhimi i Gjermanisë në marrëveshjen për litiumin me Serbinë është rezultat i një strategjie të koordinuar nga qeveria gjermane dhe Bashkimi Evropian, me qëllim sigurimin e burimeve të qëndrueshme të litiumit për industrinë evropiane të automjeteve elektrike dhe reduktimin e varësisë nga importet kineze.
Gjermania partneri kryesor i investimit
Por Gjermania mund të shërbejë jo vetëm si blerëse e litiumit, por edhe si përpunuese e tij direkt në vend. Në një fjalim të mbajtur më 4 dhjetor në Cyrih, presidenti Aleksandar Vuçiç theksoi se dëshiron që lituimi të përpunohet në vend. Në një intervistë për median gjermane, në korrik të këtij viti, presidenti serb, ishte shprehur se po bën marrëveshje me korporata automobilash si Mercedes-Benz, Volkswagen dhe Stellantis për qasje të këtyre në litium për bateritë e makinave. Shumë prej këtyre kompanive kanë kohë që kanë paralajmëruar se do të mbyllin fabrika në vend për të hapur të tjera gjetkë, në Evropën Lindore.
Fabrika të reja të kompanive të mëdha gjermane në Serbi do ta forconin edhe më shumë raportin mjaft të fortë ekonomik mes Serbisë dhe Gjermanisë. Gjermania është një partnere e rëndësishme ekonomike e Serbisë. Sipas të dhënave të Odës Ekonomike Gjermano-Serbe (AHK) në Beograd, kompanitë me kapital gjerman kanë hapur rreth 80 000 vende pune në Serbi, duke e bërë Gjermaninë ndër investitorët më të mëdhenj të huaj në vend për sa i përket numrit të vendeve të punës.
Takimi i vjen në dobi edhe kancelarit aktual dhe kandidatit për kancelar në zgjedhjet 2025, Olaf Scholz, për të përmirësuar popullaritetin e tij ende të dobët në sondazhe dhe për të dëshmuar se po kërkon zgjidhje për të ndihmuar industrinë e automobilëve gjermanë për të dalë nga kriza./ DW/
Lajme të tjera
-
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Kur gjermanët nuk blejnë dot dhuratat e Krishtlindjeve
25 Dhjetor, 12:36 -
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Protestat në Beograd kundër qeverisë, Vuçiç akuzon studentët: Po paguheni nga Perëndimi
23 Dhjetor, 08:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45
