POP 5

Lajmet më të lexuara të 5 minutave të fundit

'S'e duan tripletën para fitores në derbi', Xhixha ndez supersfidën me Partizanin! Trajneri i Tiranës: Kundër Teutës arritëm qëllimin

4 gola realizoi Tirana për 3 pikët kundër Teutës, por trajneri i bardhebluve Orges Shehi thotë se me rëndësi ishte fitorja për të lënë pas momentin e keq. Ndërkohë futbollisti Redon Xhixha është gati të sakrifikojë ‘tripletën’ kundër ‘djemve të detit’ vetëm që Tirana të fitojë derbin me Partizanin.

Tirana kampionë në fuqi e Superligës la pas minikrizën në sezonin e ri, duke fituar me rezultatin e thellë 4-0 kundër Teutës në ndeshjen e parë të javës së 5 të kampionatit.

“Përpos golave jemi të kënaqur për fitoren. Ishim në një pozicion ku kishim marrë pak pikë, minimumin e mundshëm. Për këtë arsye këtë herë e rëndësishme ishte fitorja,”-u shpreh Orges Shehi, trajner i Tiranës.

Për bardheblutë kundër ‘djemve të detit’ shkëlqeu Redon Xhixha, futbollisti që shënoi 3 herë dhe mori topin në fundin e ndeshjes. Një paraqitje për të mos u harruar, por jo për Xhixhën, i cili me mendje është te derbi me Partizanin në program për javën e ardhshme.

“Po të ishte në dorën time i kisha fal këto tre gola që të realizoja në derbi, por ishalla ia arrij të shënoj edhe atje,”-tha Redon Xhixha, futbollist i Tiranës.

Me këtë humbje Teuta renditen e parafundit me 3 pikë, por mund të zbresë edhe më poshtë në rast se Kukësi fiton të hënën kundër Partizanit.

“Çaluam shumë sidomos pas golit të parë, por edhe gjatë gjithë pjesës së dytë. E nisëm mirë, duke patur disa momente që mund të shënonim, por në një moment që gabuam për rrjedhojë edhe të cilësive që ka kundërshtari arriti të na shënojë,”-deklaroi Bledi Shkëmbi, trajner i Teutës.

Ndeshja e rradhës për Teutën do jetë me 1 tetor kundër Vllaznisë në ‘Niko Dovana’

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

14 Mars, 22:55 nga Ferdinand Dervishi