Së paku 50 njerëz kanë vdekur në Bangladesh gjatë përleshjeve të ashpra mes policisë dhe protestuesve antiqeveritarë të dielën, sipas zyrtarëve dhe mediave vendëse.
Trazirat filluan kur liderët e studentëve thirrën protesta për të kërkuar dorëheqjen e kryeministres së vendit, Sheikh Hasina.
Gazeta e përditshme e vendit, Prothom Alo, raportoi se së paku 49 njerëz vdiqën në dhunën e së dielës. Kanali 24 raportoi për së paku 50 të vdekur.
Kryeministrja Hasina ka thënë se ata të cilët janë përfshirë në “sabotim” dhe në shkatërrimin e vendit në emër të protestuesve “nuk janë më studentë, por kriminelë”.
Partia në pushtet Awami League tha se kërkesa për dorëheqjen e Hasinas tregon se protestat janë marrë në kontroll nga partia kryesore opozitare e Bangladeshit, Partia Nacionaliste, dhe partia e ndaluar, Jamaat-e-Islami.
Të dielën, Qeveria njoftoi pushim në gjithë vendin nga e hëna deri të mërkurën. Gjykatat do të mbesin të mbyllura për kohë të papërcaktuar. Shërbimet e internetit mobil u ndalën të dielën, derisa Facebook dhe aplikacionet për dërgimin e mesazheve, përfshirë WhatsApp, janë të paqasshme.
Ministri për Informacion dhe Transmetim i Bangladeshit, Mohammad Ali Arafat, tha të dielën se interneti mobil u ndalua për të ndihmuar në parandalimin e dhunës.
Si përgjigje për protestat, autoritetet i mbyllën shkollat dhe universitetet në gjithë vendin, si dhe shpallën orë policore. Së paku 11.000 njerëz janë arrestuar në javët e fundit.
Protestat filluan muajin e kaluar kur studentët kërkuan të hiqet një kuotë, sipas të cilës, 30 për qind të punëve qeveritare u takonin familjeve të veteranëve që luftuan në luftën e Bangladeshit për pavarësi kundër Pakistanit më 1971.
Pas përshkallëzimit të dhunës, Gjykata Supreme e vendit e uli kuotën në vetëm 5 për qind, por protestat kanë vazhduar duke kërkuar llogaridhënie për dhunën, për të cilën demonstruesit e fajësojnë Qeverinë, duke e akuzuar për përdorimin e forcës së tepruar.
Protestat janë bërë sfidë e madhe për Hasinan, e cila është lidere e Bangladeshit për 15 vjet. Në janar, ajo e fitoi mandatin e katër radhazi në zgjedhje që u bojkotuan nga kundërshtarët e saj kryesorë./ REL
Lajme të tjera
-
Venezuelë/ Protesta të dhunshme kundër fitores së Maduros! Opozita: Gonzalez mori 73% të votave, zgjedhjet u manipuluan
30 Korrik, 14:17 -
Bangladeshi përfshihet nga protesta të dhunshme studentore, 151 persona humbin jetën
21 Korrik, 17:10 -
Eh sa shumë shërbime ju bëjnë 'Atyre'!
12 Korrik, 19:02
-
Mero Baze: Tri dëshira opozitare që na i zgjoi protesta
12 Korrik, 18:32
-
ANALIZA / PD-ja e eksituar nga flakët kërkon të shkatërrojë sezonin turistik
12 Korrik, 15:22
-
Frontline/ Ironia e Spahiut: Nuk vihet në pushtet duke sulmuar Amerikën dhe Prokurorinë! Një protestë 2 orë pastaj 2 muaj plazh, muk e dobëson Edi Ramën
11 Korrik, 22:44 -
Spahiu: Kulmi imoralitetit, 30 vjet protestuan kundër Metës, sot e brohorisnin si hero
11 Korrik, 22:37 -
Lufta Izrael-Hamas/ Polemika mbi dhunën e policisë kundër protestuesve ndaj Netanyahut
30 Qershor, 15:14 -
Taksistët e Tiranës dalin në protestë, kërkojnë ulje të çmimit të karburantit dhe respektim të tarifave në shërbim
26 Qershor, 11:35 -
Izrael, demonstrata antiqeveritare, përleshje dhe arrestime
18 Qershor, 08:05 -
Protestuesit bllokojnë rrugët izraelite dhe kërkojnë zgjedhje të reja
17 Qershor, 10:03 -
Reforma ekonomike, protesta të dhunshme në Argjentinë! Policia gaz lotsjellës, dhjetëra të plagosur
13 Qershor, 15:13
