Seanca e parë e Kuvendit, Çuçi: Përtej çdo debati politik Shqipëria është e para, koha të ndërtojmë ura

Pas përfundimit të seancës së parë të Legjislaturës së X të Kuvendit, ministri i Brendshëm, Bledi Çuçi ka falënderuar votuesit për mundësinë për marrjen e mandatit të tretë historik.

Çuçi shprehet se është i vetëdijshëm për përgjegjësinë e madhe për të çuar deri në fund punën e nisur të ringritjes pas pasojave të rënda që la tërmeti e pandemia dhe të hapet një kapitull i ri zhvillimi.  

Çuçi shkruan se përtej çdo debati politik e para vjen Shqipëria dhe mazhoranca me opozitën kanë më shumë arsye për të ndërtuar ura se sa mure.

“Jemi në momentin më të mirë për të besuar te Shqipëria e së ardhmes dhe për të bërë kapërcimin e madh për të cilin ka nevojë vendi dhe ne ua kemi borxh fëmijëve tanë, gjeneratave që do të vijnë. Suksese!”, shkruan ai në rrjetin e tij social Facebook.

 

Lajmi kryesor:

Seanca e parë e Legjislaturës së X të Kuvendit, Ahmetaj: Mirënjohje për besimin! Gjiknuri: PS gati për bashkëpunim me opozitën, Çuçi: Koha të ndërtojmë ura

B.K./Shqiptarja.com

TAG:
• Tirane
• PS
• arben ahmetaj
• Kuvendi i Shqiperise
• damian gjiknuri
• elisa spiropali
• seanca 10 shtator