Pas përfundim të seancës së parë të Legjislaturës së X të Kuvendit, e cila u zhvillua gjatë paradites së sotme, deputetët e Partisë Socialiste kanë shprehur mesazhet e tyre për sezonin e ri politik.
I pari i cili ka shprehur falënderimet e tij kundrejt votuesve që i besuan Partisë Socialiste mandatin e tretë historik, ishte zëvendëskryeministri, Arben Ahmetaj. Ai e konsideron votën e secilit si një gur në kantierin e reformave transformuese të Shqipërisë së fortë Evropiane.
Deputeti dhe njëherësh Sekretar i Përgjithshëm i Partisë Socialiste, Damian Gjiknuri me një fotografi nga mbledhja e sotme e Kuvendit, ka falënderuar votuesit dhe ka dhënë mesazhin se PS do të shtrijë dorën ndaj opozitës në funksion të së ardhmes evropianë të Shqipërisë.
Ndërkohë mesazhin e saj ka dhënë edhe Ministrja e Shtetit për Marrëdhëniet me Parlamentin, Elisa Spiropali, duke thënë se interesi kombëtar, interesi publik dhe e ardhmja do të jenë objektivat madhore që do të vendosen në qendër të vëmendjes.
Duke i shprehur falënderimet e tij votuesve që i besuan PS mandatin e tretë historik, ministri i Brendshëm dha mesazhin se përtej çdo debati politik prioriteti i të gjithëve duhet të jetë Shqipëria.
Ai shtoi se kjo është pikërisht koha e duhur për të ndërtuar ura dhe jo mure.
Pas 30 muajsh bojkot nga Partia Socialiste dhe Lëvizja Socialiste për Integrim, kjo ditë, 10 shtator, shënoi rikthimin e tyre në karriget e Kuvendit. Ndërkohë që legjislatura e X e Kuvendit përfundoi, pritet që sot të betohen 140 deputetët e rinj të Kuvendit.
Pas përfundimit të seancës së parë të Legjislaturës së X të Kuvendit, ministri i Brendshëm, Bledi Çuçi ka falënderuar votuesit për mundësinë për marrjen e mandatit të tretë historik.
Çuçi shprehet se është i vetëdijshëm për përgjegjësinë e madhe për të çuar deri në fund punën e nisur të ringritjes pas pasojave të rënda që la tërmeti e pandemia dhe të hapet një kapitull i ri zhvillimi.
Çuçi shkruan se përtej çdo debati politik e para vjen Shqipëria dhe mazhoranca me opozitën kanë më shumë arsye për të ndërtuar ura se sa mure.
“Jemi në momentin më të mirë për të besuar te Shqipëria e së ardhmes dhe për të bërë kapërcimin e madh për të cilin ka nevojë vendi dhe ne ua kemi borxh fëmijëve tanë, gjeneratave që do të vijnë. Suksese!”, shkruan ai në rrjetin e tij social Facebook.
Ministrja e Shtetit për Marrëdhëniet me Parlamentin, Elisa Spiropali, pas përfundimit të seancës së parë të Kuvendit, u shpreh se interesi kombëtar, interesi publik dhe e ardhmja do të jenë objektivat madhore që do të vendosen në qendër të vëmendjes .
Ajo tregon se Partia Socialiste nuk e shef opozitën si armike por si konkurrente.
Duke falënderuar të gjithë votuesit për besimin, Spiropali në rrjetin e saj social Facebook shkruan se “Do luftojmë pa u ndalur dhe pa u lodhur për të realizuar ëndrrën dhe premtimin tonë për një Shqipëri të zhvilluar, të drejtë, meritokratike, evropiane, me më shumë barazi dhe mundësi për të gjithë shqiptarët.”
Deputeti dhe njëherësh Sekretar i Përgjithshëm i Partisë Socialiste, Damian Gjiknuri me një fotografi nga mbledhja e sotme e Kuvendit, ka falënderuar votuesit, për besimin në PS dhe Edi Ramën për të udhëhequr edhe për 4 vitet e ardhshme.
Gjiknuri ka shprehur besimin e plotë se me punën e tij, Grupi Parlamentar i Partisë Socialiste do të luajë rolin e çmueshëm për të çuar përpara proceset e rëndësishme legjislative, duke mbrojtur interesat e të gjithë qytetarëve shqiptarë.
“Partia Socialiste do ta ketë të shtrirë dorën e bashkëpunimit me opozitën në funksion të së ardhmes evropianë të Shqipërisë.”, shkruan ai në rrjetin e tij social Facebook.
.jpg)
Zëvendëskryeministri, Arben Ahmetaj ka nisur sezonin e ri politike me falënderime ndaj votuesit që i besuan Partisë Socialiste mandatin e tretë radhazi.
Në veçanti ai ka falënderuar 12.626 votuesit të Njësisë 4 në Tiranë dhe 11,287 votuesit që i besuar përfaqësimin e tyre në Kuvendin e Shqipërisë.
Vota e tyre sipas Ahmetajt është një gur më shumë në kontributin për ndryshimin edhe modernizimin e Shqipërisë.
‘Mirënjohje për gjithsecilin prej jush, që me votën tuaj vendosët një gur më shumë në kantierin e reformave transformuese për të garantuar mirëqenie për të gjithë, modernizimin për zhvillim, një Shqipëri të fortë Evropiane dhe një të ardhme të sigurt për fëmijët e të rinjtë e vendit tonë.”, shkruan ai.
Mëngjesin e sotëm përfundoi seanca e parë e Legjislaturës së X, atmosfera e së cilës ishte kryesisht formale.
Lajme të tjera
-
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali im në intubim, ka 5 plagë në trup
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09
