POP 5

Lajmet më të lexuara të 5 minutave të fundit

Kronikë

Seanca për Fredi Belerin, SPAK: Në telefonin e Pandeli Kokaveshit u gjet një grup ku ju premtoheshin qytetarëve ‘letra greke’

Qytetarëve të Himarës u janë ofruar pasaporta greke në këmbim të votave për Fredi Belerin në zgjedhjet e 14 majit. SPAK paraqiti provat shkresore në gjyqin ndaj kryebashkiakut të zgjedhur, përfshirë edhe bisedat e një grupi në rrjetet sociale me emrin “Himara ime je ti”. Mesazhet janë zbardhur nga telefoni i anëtarit të shtabit Pandeli Kokaveshi pasi Fredi Beleri nuk ka pranuar të dorëzojë kodin e telefonit duke pamundësuar ekspertizën e tij. 

Fredi Beleri dhe shtabi i tij elektoral kanë premtuar për qytetarët e Himarës pasaporta greke dhe përfitime të tjera në këmbim të votës në zgjedhjet e 14 majit. Ky fakt u bë i ditur në seancën e radhës ndaj kryebashkiakut të zgjedhur i cili është arrestuar për korrupsion zgjedhor më 12 maj.   

Gjatë paraqitjes së provave, përfaqësuesit e SPAK thanë se vetë Beleri nuk ka pranuar të dorëzojë kodin e telefonit të tij i cili iu sekuestrua gjatë arrestimit në flagrancë në lokalin e tij në Himarë. Pyetjes për këtë fakt Beleri preferoi të mos i jepte përgjigje. Por nga ekspertimi i telefonit të anëtarit të shtabit elektoral Pandeli Kokaveshi është zbuluar një grup ne aplikacionin Whatsapp i quajtur “Himara ime je ti”.

Në këtë grup sipas prokurorise, janë gjetur biseda rreth ndihmesës qe do ti ofrohej qytetarëve te Himarës dhe zona përreth nder to edhe per sigurimin e “letrave greke”. Madje ne një bisede, Beleri i ka tërhequr vëmendjen Kokaveshit duke i kërkuar të bënte kujdes me fjalët: Çfarë janë këto biseda, nga këto do te digjesh ti! Avokatët e të pandehurit Fredi Belerit i kundërshtuan thëniet e prokurorëve, pasi sipas tyre grupi në fjalë nuk ka lidhje me objektin e gjykimit dhe bisedat janë kryer me herët se moment ii kryerjes së veprës penale.

Ata pretenduan se telefoni ka qene ne pronesi te nenes se Pandeli Kokaveshit i cili u arrestua për blerje votash bashkë me Belerin por u la i lirë më pas për shkak të problemeve shëndetësore.

Për shkak të mos-dorëzimit të kodit, prokuroria nuk ka arritur të ekspertojë telefonin e Fredi Belerit, por të bashkëpunëtorit Arsen Rama ku janë gjetur thirrjet dhe komunikimet që ata kanë pasur. Pasi u kontaktua nga Beleri dhe stafi i tij në Himarë, Rama njoftoi policinë dhe lidhi marrëveshje bashkëpunimi me prokurorinë për dokumentimin e çështjes përmes përgjimit të pazareve për blerjen e votave dhe simulimit të veprimeve. Seanca e radhës ndaj Belerit pritet të zhvillohet më 29 dhjetor.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shezo: 21/12/2023 00:38

    Pse se jep kodin nuk ka fuqi ta hapi spaku apo do ti fahij provat spaku dhe pastaje do thon nuk kishte gje ne nje rast ne gjermani per 10 sekonda e hapi telefonin tim vete shefi krimeve jo me spaku nuk hap dot telefonin u hidhni hi syve shqiptareve ca mendoni se nuk marin vesh jemi ne 2023 shin o njerz nuk ja hidhni dot popullit sot nuk jemi ata para 40 viteve jo

    Përgjigju
  • Iris: 20/12/2023 03:31

    Jepuani celularin e Belerit,Musadit izraelit,ua zberthejne kodin ata pa problem.Kujton idioti se po nuk e dha kodin,ja hodhi! Sot asgje nuk eshte e padeshifrueshme,sidomos per sherbime vendesh te tilla qe e kane pasion kete pune.

    Përgjigju
  • lani: 19/12/2023 20:33

    po spaku ka mjete te sostifikuara per zberthimin e tel apo kan ndryshu mendim se per nje popull e ckodojne me nje here kurse per kete palaco nuk e bejne turp

    Përgjigju
    • Or tej: 19/12/2023 23:16

      Thua se vetem ky premtoi gjera te tjereve per fushate or teeeejjjjj

  • Sondazhi i ditës:

    A po jep rezultate lufta e SPAK ndaj grupeve kriminale?

Lajme të tjera



×

Lajmi i fundit

Nga Pëllumb Gjoka, tek Kasandër Noga dhe Gjergj Cukali, ja 51 emrat e plotë të operacionit të SPAK-ut

Nga Pëllumb Gjoka, tek Kasandër Noga dhe Gjergj Cukali, ja 51 emrat e plotë të operacionit të SPAK-ut

19 Maj, 22:50