Sekuestrimi i anijes me 22.5 mijë ton naftë të ardhur nga Rusia, policia publikon pamjet e aksionit në Durrës! Në pranga kapiteni

Këto janë pamjet e aksionit të policisë për sekuestrimin e anijes me 22.500 ton naftë kontrabandë që u bllokua pak ditë më parë 6 milje larg Portit të Durrësit. Urdhri për sekuestrimin e anijes ishte firmosur më datë 24 shkurt por sekuestrimi u bë dy ditë më parë për shkak të motit të keq.

Ndërsa ditën e sotme policia ka publikuar pamjet e aksionit të sekuestrimit. Në pranga ka rënë edhe kapiteni i anijes Aleksei Smaznov me pasaportë ruse, ndërsa 22 marinarët janë në anije.

Më 20 shkurt, u bë i ditur lajmi se 6 milje larg portit të Durrësit prej ditësh ishte bllokuar nga autoritetet, anija çisternë "Grace Felix" me 22.500 ton naftë kontrabandë në bordin e saj. Anija kishte destinacion "Romano Port" ku do të shkarkonte ngarkesën për llogari të kompanisë shqiptare "Bella Gaz" me pronar Ilir Bellën. 

Autoritetet doganore dhe ato policore dyshojnë se nafta është me origjinë nga Rusia, ndërsa ka dyshime se ngarkesa shoqërohet me dokumente false. Burimet thane se anija është ngarkuar në Azerbaixhan me naftë ruse në një kohë që drejtuesi i anijes deklaron se ngarkesa është marrë në portin grek të Kallamatës nga një tjetër anije çisternë.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Euro 2024/ Paqe në Leipzig, Holanda dhe Franca barazojnë 0-0! Polonia jashtë Europianit

Euro 2024/ Paqe në Leipzig, Holanda dhe Franca barazojnë 0-0! Polonia jashtë Europianit