TIRANE-Struktura “Forca e Ligjit” sekuestroi rreth 1 milion euro të dyshuara si të përfituara nga trafikimi i narkotikëve në Greqi. Report Tv mëson se shuma e sekuestruar i përket Roland Shëmbitrasit të vrarë në Greqi në vitin 2017 për pazaret e drogës dhe të familjarëve të tij.
Shqiptarja.com mësoi pak kohë më parë se Roland Shëmbitrasi i kishte transferuar paratë në llogaritë e babait Kasëm Shëmbitrasi 70 vjeç pensionist, vëllait dhe nipit të tij, më konkretisht Bernard Shëmbitrasi dhe Kristo Shembistrasi në Pogradec.
Hetimi i dosjes për pasurinë nisi nga prokuroria e Pogradecit, ndërsa më pas u transferua te prokuroria e krimeve të Rënda e cila pas disa letërporosive në Greqi vendosi sekuestrimin e llogarive bankare.
'Forca e Ligjit' i ka gjetur atij në total një pasuri prej rreth 1 milion euro. 514 milionë lekë të vjetra ishin në emrin e Roland Shëmbitrasit, ndërkohë që rreth 170 milionë lekë ishin në emër të Kasëm Shëmbitrasit.
Struktura ka sekuestruar gjithashtu edhe disa llogari të tjera të të afërmve të familjes së Shëmbitrasit, konkretisht, Bernard Shtembirasit 924 milionë lekë dhe Kristo Shëmbirasit. Në total shuma e sekuestruar sipas Policisë arrin në 111 milionë lek të reja.
Roland Shembitrasi i cili njihej me nofkën ‘tenxherja’ dyshohet se ishte kreu i një bande për trafikun e drogës në Greqi, ku pikërisht dyshohet se përplasjet për drogën sollën edhe vrasjen e tij.
Në tetor të 2017, sipas mediave greke dy persona iu afruan pranë tavolinës ku po qëndronte Shëmbitrasi në lokal dhe e qëlluan me armë duke e lënë të vdekur. Ndërkohë që nga ngjarja mbeti i plagosur edhe një tjetër shqiptar, Gjergji Kapaj.
Lokali ku u vra Roland Shëmbitrasi ne Athine ne tetor 2017
Njoftimi i plote
Në kuadër të operacionit “Forca e Ligjit”, në vijim të punës për gjurmimin, evidentimin dhe sekuestrimin e aseteve dhe llogarive bankare që dyshohet se rrjedhin apo janë përfituar nga veprimtari kriminale, pas procedimit nr.443 të vitit 2017, Policia e Shtetit bazuar edhe në shkëmbimin e informacioneve me partnerët, referoi materialet e para në Prokurori për fillimin e procedimit pasuror për shtetasin R.Sh. Në vijim u regjistrua edhe procedimi pasuror me nr.8, i vitit 2018.
Departamenti i Policisë Kriminale, Drejtoria Hetimore Qendrore, u informua nga agjenci ligj zbatuese për veprimtarinë e kundërligjshme të shtetasit R.Sh. Bazuar në materialet e dërguara nga Policia e Shtetit, me kërkesë të Prokurorisë, Gjykata e Shkallës së Parë për Krime të Rënda vendosi sekuestro preventive për llogari bankare të shtetasit të lartpërmendur dhe familjarëve të tij.
Kështu në gusht 2018 u bë ekzekutimi pranë një banke të nivelit të dytë, i vendimit për vendosjen e sekuestros së llogarive bankare në emër të shtetasve: K.Sh. R.Sh. V.Sh. dhe A.Sh., në vlerën 42.000.000 lekë. Pranë një tjetër banke të nivelit të dytë, u bë ekzekutimi i vendimit të gjykatës për vendosjen e sekuestros së llogarive bankare në emër të shtetasve:
• K.Sh. në shumën 17.033.337 lekë;
• B.Sh. në shumën 924.922 lekë;
• R.Sh. në shumën 51.444.350 lekë.
Në total u sekuestrua shuma 111.402.609 lekë, të cilat dyshohet se janë produkt i veprimtarisë kriminale të shtetasit R.Sh. në fushën e “Trafikimit të lëndëve narkotike”, në Greqi. Hetimet vazhdojnë për të verifikuar pasuri të luajtshme apo të paluajtshme si dhe llogari bankare të dyshuara me prejardhje kriminale.
Gjatë periudhës Nëntor 2017 - Gusht 2018 janë kryer 14 goditje në kuadër të operacionit "Forca e Ligjit", si dhe ka nisur hetimi penal lidhur për asetet e paligjshme të tyre.
Partia Demokratike ka reaguar pas sekuestrimit nga ‘Forca e Ligjit’ të një milion eurove të Roland Shëmbitrasit (vrarë në 2017) dhe familjes së tij. PD thotë se të gjithë presin sekuestrimin e pasurisë së Edmond Begos, ndërsa ‘policia tallet duke njoftuar se “Forca e Ligjit” ka rënë mbi pasuritë e një të vdekuri’.
Kujtojmë që autoritetet greke sot lanë të lirë biznesmenin shqiptar Edmond Bego, arrestuar pak ditë më parë teksa kthehej nga pushimet në Korfuz, për llogari të shtetit italian. Report Tv dhe Shqiptarja.com siguruan dokumentin e lirimit të policisë greke, që tregon se sot më 22 gusht Bego është lënë i lirë. Një ditë më parë, ishte Interpol Roma ajo që i dërgoi një letër Interpol Athinës për të vërtetuar se shqiptari Edmond Bego nuk kishte asnjë çështje të hapur në shtetin italian.
Deklaratë e Partisë Demokratike
Kur të gjithë presin që Policia dhe Prokuroria të zbatojnë “Forcën e Ligjit” për sekuestrimin e pasurive të Edmond Begos, trafikantit të drogës të shndërruar në biznesmen me lidhje politike, policia tallet me pritshmëritë e shqiptarëve, duke njoftuar se “Forca e Ligjit” ka rënë mbi pasuritë e një të vdekuri.
Policia njofton si sukses sekuestrimin e 1 milionë eurove të një shtetasi shqiptar qe nuk jeton më dhe që dyshohet për pjesëmarrje në trafikun e drogës ne Greqi, por Policia hesht dhe “Forca e Ligjit” nuk vepron për mikun e familjes së Taulant Ballës, i dënuar me 21 vjet burg në Itali për trafik droge.
Duke kërkuar që “Forca e ligjit të mos bjerë vetëm mbi pasuritë e atyre që nuk jetojnë më, por edhe mbi pasuritë e krimit të lidhur me pushtetin, Partia Demokratike i kërkon Policisë së Shtetit të sqarojë opinionin publik
· Kur do të zbatohet i njëjti standard i “Forcës së Ligjit” ndaj vëllait te Ministrit të Brendshëm, Agron Xhafaj, aktualisht në burg për trafik droge?
· Kur do të zbatohet i njëjti standard i “Forcës së Ligjit” ndaj mikut të familjes së Taulant Ballës, trafikantit të dënuar me 21 vjet burg për trafik droge Edmond Bego?
· Pse trafikantët e lidhur me pushtetin, si Agron Xhafaj dhe Edmond Bego kanë imunitet dhe “Forca e Ligjit” është e pafuqishme ndaj tyre?
Heshtja e Policisë së Shtetit, e Fatmir Xhafës dhe Taulant Balles provon se me Edi Ramën kryeministër krimi ka imunitet dhe mbrohet nga qeveria.
Komente
Lajme të tjera
-
PD akuza qeverisë: Qytetarët do paguajnë gjobën prej 44 mln €! Balla: Rruga Tiranë-Elbasan ka kontrata të realizuara nga Berisha
6 Shtator 2020, 13:56 -
PD: Kompania e lidhur me Edmond Begon po ndërton kullën 25 kate në Tiranë, Veliaj mashtroi
30 Maj 2020, 14:48 -
Kush është Edmond Bego, biznesmeni i dënuari për trafik droge me vila luksoze dhe gurore
5 Mars 2020, 14:07 -
OFL i kërkon të justifkojë pasurinë Edmond Begos, i përfolur si miku i Taulant Ballës
5 Mars 2020, 13:48 -
EKSKLUZIVE/ Lista e papublikuar e OFL: Nga nipi i Enver Hoxhës tek Edmond Bego, Nehat Kulla, dhe i forti i Saukut
20 Shkurt 2020, 15:23
-
Aksioni kundër KÇK-së, Spaho: Saimir Tahiri dhe Ermal Hoxha, janë argumentet se përse PD-ja nuk ka besim
6 Shkurt 2020, 13:37
po c merreni me keta , keta e paguan me koke , tani shkon edhe shteti dhe i plackit.....
PërgjigjuTe merren me te vdekurit dhe gjallet, kjo eshte detyra e ligjit, por Bego, Gon Xhafaj mesa duket nuk jane as te gjalle dhe as te vdekur. Ata bejne pjese tek ata qe sfidojne ligjet e natyre dhe shtetit. Vetem ligjit te zotit nuk do i shpetojne.
PërgjigjuForca e ligjit me te vdekmit. Hajde shtet hajde
Përgjigju