TIRANË - Edmond Bego, biznesmeni i dënuar për trafik droge, përfolur nga opozita si mik i deputetit socialist Taulant Balla, është subjekti i radhës që vihet në sitën e OFL-së për të deklaruar pasurinë pas dyshimeve të ngritura se mund të mos i ketë përmes burimeve të ligjshme.
Bashkë me të, thirrja për të bërë autodeklaratën e pasurisë i ka shkuar edhe Eduart Nazarit dhe Gentian Çakos.
Mond Bega, banues në Tiranë, i perfolur si miku i Taulant Ballës, sipas OFL-së është dënuar në Itali me 11 vjet burg, për veprën penale “Pjesëmarrja në organizatë kriminale, me qëllim trafikim droge”.
Sipas OFL-së, Eduart Nazari, banues në Berat është arrestuar në vitin 2013, për veprën penale “Trafikimi i lëndëve narkotike” kryer në bashkëpunim. Nazari në vitin 2013 ai u kap nga policia kufitare në Kakavijë teksa në automjetin e tij tip Benz me targa AA811GL u gjet një sasi prej 3.5 kg heroinë.
Gentian Çako, banues në Berat, dënuar nga Gjykata e Rrethit Gjyqësor Korçë me 20 vjet burgim, për veprën penale “Vrasja në rrethana cilësuese, e kryer në bashkëpunim”.
Si subjekt i Ligjit Special, ata duhet t’u përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme.
Edmond Bego vitet e fundit është kthyer në një nga biznesmenët më të përfolur dhe të akuzuar edhe nga opozita shqiptare, përfolur si miku i Taulant Ballës, kreut të grupit parlamentar të Partisë Socialiste.
Edmond Bego ka dy vila në kompleksin luksoz "Rolling Hills", në pronësi të kompanisë së inerteve Express sh.p.k, si edhe koncensione pasi është pronar i disa guroreve. Ai është hetuar disa herë për pasurinë por në asnjë rast nuk ka pasur një rezultat bllokimi të pasurisë së tij. Por tashmë pritet se si do të jetë rrugëtimi i tij si subjekt i OFL-së.
Sipas Operacionit Forca e Ligjit, ai është i dënuar në Itali me 11 vjet burg për pjesëmarrje në organizatë kriminale, me qëllim trafikim droge, heroinë dhe kokainë. Vendimi nga drejtësia italiane është marrë më 26 prill 2007 fillimisht me 27 vjet e 9 muaj, i ulur në 18 vjet e 5 muaj, dhe së fundi si përfitues nga amnistia e 2009-ës është dënuar me 11 vjet heqje lirie. Për të njëjtën çështje në Itali, ai është arrestuar edhe vite më parë në Shqipëri, asokohe me emrin Manoli Bega.
Ishte 24 dhjetori i 2009 kur drejtoria kundër krimit të organizuar në Tiranë e arrestoi në kryeqytet. Në njoftimin e policisë 9 vite më parë nënvizohej fakti se i arrestuari Manoli Bega, lindur në Lushnje dhe banues në Tiranë njihej dhe me disa emra të tjerë si: Edmond Bego, Saimir Sina dhe Belul Gjahtari. Gjithashtu në njoftimin e policisë të dhjetorit 2009 thuhej se i arrestuari ishte i përfshirë në një organizatë kriminale ku bënin pjesë edhe Aldo Bare, Enver Dondollaku, ndërsa ai ka qenë përcaktues në mbajtjen e lidhjeve me furnizuesit, koordinimin e aktivitetit dhe pjesëtarëve të tjerë të organizatës, si dhe organizator për shpërndarjen dhe administrimin e parave të përfituara nga trafikimi i lëndëve narkotike.
Bazuar në vendimin e Gjykatës së Lartë në Tiranë në 2010, Bego u lirua për më pak se 3 vite burgim.
Ai është ndaluar në vitin 2018 nga policia greke teksa kthehej për në Shqipëri nga Korfuzi ku bëri pushimet me familjen, ku u arrestua për llogari të autoriteteve italiane por mbi urdhër-arresti tashmë të skaduar. Ai u ndalua me një pasaportë me emrin e ndryshuar në Mond Bega, siç e ka edhe sot, me anë të së cilës kishte kaluar nga Shqipëria për në Korfuz.
Ky ndalim ndezi skenën politike në atë kohë pasi nga ana e opozitës pati akuza për lidhje të forta të Begos me Partinë Socialiste dhe sidomos me numrin dy të kësaj partie, sekretarin e Përgjithshëm Taulant Balla.
PD akuzoi Ballën se ka lidhje të ngushta me Begon nga e cila ai ka përfituar tenderë. Taulant Balla, u akuzua nga deputeti i PD-së, Ervin Salianji se ka udhëtuar disa herë jashtë vendit me makinën e tij, por edhe me charter në disa vende me Edmond Begon.
I gjendur përballë akuzave të opozitës se është ortaku i tij në biznes, Balla sqaroi se e njeh familjarisht, por nuk di që ku personazh të ketë pasur ndonjëherë mburojë politike.
Komente
Lajme të tjera
-
I dënuar në Itali për trafik droge dhe gjobëvënie, vlonjatit i sekuestrohen 6 apartamente dhe 1 dyqan! 4 pasuri i bleu 300 mijë euro në dorë
12 Dhjetor 2022, 12:07 -
E ardhur nga aktiviteti kriminal, GJKKO kalon në pronësi të shtetit pasurinë e Gazmir Kosiqit! Një djalë ia vranë, tjetrin ia plagosën në atentat me tritol
10 Tetor 2022, 12:39 -
Ia bllokoi OFL, GJKKO i kalon përfundimisht shtetit pronat e Emiljan Shegës, trafikant droge! Konfiskohen 1 apartament dhe 5 sipërfaqe toke
22 Shtator 2022, 13:41 -
Me ç'autokombanjë e korrën grurin? Vijon në GJKKO gjyqi i pazakontë me 240 fshatarë në mbrojtje të subjektit të OFL-së
20 Korrik 2022, 13:43 -
Shteti merr në përdorim ‘makinat' e konfiskuara nga OFL, 'furnizohen’ SPAK, KLGJ, policia e 'Pastrimi i Parave'
8 Korrik 2022, 14:08
-
Gjyq i pazakontë në GJKKO, 240 fshatarë dëshmitarë! OFL ‘në sitë’ pasurinë e fermerit: E bëri nga paratë e trafiqeve të të birit! I akuzuari: Punoj me autokombajnë
22 Qershor 2022, 12:36
-
Çuditë e sekuestrimeve dhe konfiskimeve…
16 Qershor 2022, 14:35
-
1 vit në seancë paraprake, rikthehet për rihetim çështja për numrin 2 të OFL, Artan Shkëmbi! Akuzohet për nxjerrje të sekretit hetimit
6 Qershor 2022, 15:18 -
Gjykata e Tiranës pushoi çështjen ndaj vëllezërve Marku dhe hoqi sekuestron ndaj 5 mln eurove, Prokuroria ankimon vendimin
2 Qershor 2022, 11:05
-
Gjykata e Tiranës pushon çështjen ndaj vëllezërve Marku, hiqet sekuestroja ndaj 5 mln eurove
30 Maj 2022, 11:05
-
OFL sërish në Kushtetuese, ‘i forti’ i Niklës Flamur Haka kërkesë për shfuqizimin e Aktit Normativ! Më parë Gjykata e ‘certifikoi’ si Kushtetues
13 Prill 2022, 11:12 -
'OFL' nuk rrëzohet, Gjykata Kushtetuese e certifikon: Nuk cenohen të drejtat e njeriut, shkelja e të drejtës së pronës brenda kuadrit kushtetues
25 Mars 2022, 09:30
Mik ka Ilir Meten ky Mondi o njerez Jo Ballen Balla eshte sa per foto me kete, te beni ste sigurte per kete.
Përgjigju