POP 5

Lajmet më të lexuara të 5 minutave të fundit

Kronikë

Nga apartamente e sipërfaqe toke në Vlorë e Durrës, sekuestrohen 22 pasuri në pronësi të një 50-vjeçari, kreu i një grupi kriminal në Belgjikë

22 pasuri në pronësi të një 50-vjeçari janë sekuestruar nga policia e Tiranës. Eridan Guerrero ishte kreu i një grupi kriminal në Belgjikë.

Nga apartamente e sipërfaqe toke në Vlorë e Durrës, sekuestrohen 22 pasuri në pronësi të një 50-vjeçari, kreu i një grupi kriminal në Belgjikë

Foto ilustruese

TIRANË- 22 pasuri (të paluajtshme dhe makina) në pronësi të Eridan Guerreros dhe familjarëve të tij janë sekuestruar nga policia në kuadër të operacionit ‘Filtri’. Sipas policisë dyshohet se pasuritë janë vendosi nga veprimtaritë kriminale dhe u sekuestruan me urdhër të GJKKO-së.

Policia bën me dije se janë sekuestruar 18 pasuri të paluajtshme (apartamente, sipërfaqe toke, njësi shërbimi, garazh dhe depo), të ndodhura kryesisht në lagjen “Uji i ftohtë”, Vlorë dhe në Durrës, si dhe 4 automjete të tipeve të ndryshme, të cilat dyshohet se janë përfituar nga Eridan Guerrero dhe nga familjarët e tij, për shkak të veprimtarive kriminale të 50-vjeçarit.

Eridan Guerrero 50 vjeç, lindur në Vlorë, aktualisht ndodhet në dhomat e paraburgimit në Bruksel, Belgjikë, i akuzuar për veprat penale “Trafikimi ndërkombëtar i lëndëve narkotike” dhe “Pastrimi i produkteve të veprës penale apo veprimtarisë kriminale”, të kryera në formën e organizatës kriminale.

Operacioni i policisë është kryer në bashkëpunim me nga Njësia “E” për Hetimin e Krimeve Ekonomiko-Financiare në Drejtorinë Hetimore qendrore, homologët belg dhe dvpt-të Vlorë, Durrës dhe Tiranë.

Vijojnë hetimet me qëllim zbulimin dhe sekuestrimin e pasurive të tjera që mund të kenë si burim, veprimtaritë kriminale të 50-vjeçarit. Materialet procedurale i kaluan Prokurorisë së Posaçme për Korrupsionin dhe Krimin e Organizuar, për veprime të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 11/03/2023 01:37

    Si e ka mbiemrin e vertete ky Eridani,se /Guerrero/ duket se e ka huazuar andej nga xhunglat nga ka bere pasurine?

    Përgjigju
  • Sondazhi i ditës:

    Riorganizimi i PD, a duhet të zhvillohet menjëherë gara për kryetarin e ri?

Lajme të tjera



×

Lajmi i fundit

Po sikur Kurti të ketë të drejtë?

Po sikur Kurti të ketë të drejtë?

6 Qershor, 17:54 nga Dritan Hila