POP 5

Lajmet më të lexuara të 5 minutave të fundit

Kronikë

Sequi: Për mjedisin në Shqipëri
BE ka dhënë 140 milionë euro

Ministria e Mjedisit dhe ambasada e BE-së, organizojnë tryezën “Konsolidimi i sistemit të monitorimit mjedisor”. Ambasadori Ettore Sequi: “Punën e sotme mos e lini për nesër”.
Sequi: Për mjedisin në Shqipëri<br />BE ka dhënë 140 milionë euro
TIRANË - Mjedisi ka qenë në fokusin e një tryeze të organizuar nga Ministria e Mjedisit dhe ambasada e BE-së në Shqipëri me temë, “Konsolidimi i sistemit të monitorimit mjedisor”. I pranishëm ishte ministri Mjedisit, Lefter Koka, ambasadori i BE-së, Ettore Sequi e përfaqësues të institucioneve që merren me problemet mjedisore.

Duke folur në këtë takim, ministri Lefter Koka, tha se, për qeverinë e re, mjedisi është prioritet. Ai i është referuar edhe vendimeve të marra pak ditë më parë gjatë mbledhjes së Këshillit Kombëtar të Territorit, për parqet kombëtare.

Nga ana e tij, ambasadori i BE-së, Ettore Sequi, tha se, për 7 vite ky institucion ka dhënë 140 milionë euro për problemet mjedisore.  

“Të jesh pjesë e BE ka detyrime por sjell dhe të mira për qytetarët. Në progres-raportin e KE-së, kishte një pjesë për mjedisin ku thuhej se: Është bërë shumë pak për mjedisin dhe ndryshimet klimaterike dhe është e nevojshme që të bëhen investime thelbësore. Përpjekjet thelbësore do të sjellin edhe rezultate”, tha Sequi.

Sequi ka përmendur edhe një fjalë të urtë shqiptare. “Në Shqipëri keni një shprehje shumë të bukur, “punën e sotme mos e lë për nesër”. Dua vetëm të theksoj se më shumë se 2 milionë euro janë dhënë nga taksa-paguesit europian dhe përmirësimi i situatës në Shqipëri është i rëndësishëm. Shtete anëtare duhet të kujdesen për mjedisin dhe si kandidate potenciale edhe Shqipëria duhe të marrë përgjegjësinë”, tha Sequi.

Ambasadori i BE-së tha se, “ndotja, ndryshimet klimatike, biodiversiteti nuk njohin kufi dhe ky projekt ka përcaktuar sfidat kryesore që mbeten dhe për të qenë në gjendje për të adresuar këto zgjidhje”.
 
SEQUI: NDRYSHIMET MJEDISORE, KAM BESIM TE QEVERIA E RE
Gjatë fjalës së tij, ambasadori i BE-së, Ettore Sequi, ka theksuar se të dhënat për mjedisin janë të rëndësishme. “Pa të dhëna nuk mund të ketë progres dhe ne nuk mund te negociojmë realitetin por vetëm mund të korrigjojnë. Zhvillimi i qëndrueshëm, jetesa e shëndetëshsme janë të rëndëishsme dhe mund të arrihen duke dhënë informacion dhe duke pastruar mjedisin, ajrin dhe jam i bindur se qeveria e re do ta bëjë këtë gjë dhe unë besoj të ministri Koka”, deklaroi Sequi.

“Në 7 vitet e fundit janë dhënë 140 milionë euro për mjedisin nga BE. Ne duam që Shqipëria të jetë një vend më i mirë dhe BE do që Shqipëria të jetë një vend më i mirë për shqiptarët dhe ky është projekti që po prezantojmë sot”, tha në fund të fjalës së tij, ambasadori i BE-së, Ettore Sequi.
 
Redaksia online
(ac/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57