POP 5

Lajmet më të lexuara të 5 minutave të fundit

Kosova & Rajoni

Serbët, nga varfëria po u shesin
pronat shqiptarëve të Kosovës

Në Toplicë të Serbisë, sipas regjistrimeve të fundit nuk jeton asnjë shqiptar, thuhet se në mënyrë të fshehtë u janë shitur shumë shtëpi dhe banesa shqiptarëve nga Kosova. Dejan Milosheviç, këshilltar komunal në Kurshumli, thotë se deri tani shqiptarët në këtë zonë kanë blerë rreth 50 prona. (Në foto: Pamje nga Prokuple).
PROKUPLE - Milutin Jacoviç, 64-vjeçar nga fshati Tulare i Prokuples ka vendosur që shtëpinë e tij t’ia shes ndonjë shqiptari të Kosovës, siç thotë ai, për arsyen se vetëm ata janë në gjendje t’ia paguajnë me çmim të mirë. Këtë hap ai e ka marrë pasi ai me gruan dhe djalin jetojnë prej vitesh në varfëri të skajshme me vetëm 20 mijë dinarë në muaj, të cilat i merr nga pensioni.

Kur paguan faturat mujore, si rryma dhe të tjera, atij nuk i mbesin as 10 mijë dinarë për shpenzime tjera. Ai pyet, nëse mund të jetohet me ato pak para. Prandaj shtëpinë e tij prej 120 metra katror, të cilën ka bërë vite deri sa e ka ndërtuar, ka vendosur ta qes në shitje, thotë Milutini, i cili shton se të gjithë në fshatin, i cili ndodhet në magjistralen kryesore e cila lidh Prishtinën me Nishin dhe Kurshumlinë me Prokuplen, janë në dijeni për planin e tij.

“Nëse veç më pyesni se pse kam vendosur që shtëpinë t’ua shes shqiptarëve, unë u përgjigjem se vetëm ata mund të ma paguajnë me një çmim të mirë. Në këtë pjesë të Serbisë që është afër me Kosovën, ku është një jetë e vështirë, nuk kam kujt tjetër t’ia shes. Gjithashtu edhe ata janë qytetarë të Serbisë, të paktën zyrtarisht, dhe nuk duhet që të keqkuptohem për këtë”, thotë ai, shkruan gazeta serbe Telegraf,

“Mendoni se të tjerët nga fshati im nuk do ta bënin këtë? Në situatën në të cilën janë unë. Çfarë të duhen muret, kur barku është bosh”, pyet Milutini.

Edhe pse në gjithë Toplicën, siç transmeton reporteri, sipas regjistrimeve të fundit, nuk jeton asnjë shqiptar, thuhet se në mënyrë paksa të fshehtë u janë shitur shumë shtëpi dhe banesa shqiptarëve nga Kosova. Dejan Miloseviç këshilltar komunal në Kurshumli, thotë se mesa di ai, deri tani shqiptarët në këtë pjesë kanë blerë rreth 50 prona.

Disa vite më parë qarkullonin histori të tilla në lidhje me shitjen e shtëpive shqiptarëve në Prokuple, por ata nuk mund të ishin zyrtarisht pronarë. Blerja ishte kryer përmes kontratave fiktive për borxhe, në kompensim të të cilave shqiptarët i merrnin shtëpitë. Një histori e tillë e harruar, është ngjallur sërish kohëve të fundit.

Në qendër të Prokuples, një metër katror kushton 500 euro, ndërsa nëpër fshatra një shtëpi komplet mund ta blesh edhe me vetëm 10 mijë euro.

Shqiptarët e Kosovës, kohëve të fundit janë duke blerë prona nëpër Serbi, që të mund të bëhen banorë të këtij vendi, për të marrë një pasaportë, e cila lejon qarkullimin e lirë nëpër vendet e Zonës Schengen.
 
Marrë nga "Koha Ditore"

Redaksia Online
(mag/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

NJË NGA NE/ Artizania fierake rikthen veshjen myzeqare: Duhet mbrojtur nga UNESCO

15 Janar, 21:27 nga Xhensila Nako