Federata Serbe e Futbollit i kërkon FIFA-s që ta anulojnë vendimin që Kosova të luajë miqësore, pasi nuk i ka respektuar modalitetet e përcaktuara.

“Është e qartë se kemi prova që lojtarët vendës mbanin në fanellë emblemën e Federatës së Futbollit të Kosovës.

Kjo është e papranueshme, duke e pasur parasysh se drejtuesit e ndeshjes duhet ta vërenin këtë, në bazë të vendimit të marrë nga FIFA. Vëzhguesi  i FIFA-s, nuk ka reaguar.

Federata Serbe kërkon nisjen e procedurës disiplinore ndaj të gjithë zyrtarëve të ndeshjes.

Distancohemi nga vendimet e Komisionit për Çështje Urgjente dhe kërkojmë anulimin e vendimit të miqësoreve të Kosovës”, thuhet në ankesën e FSF-së.


d.b/shqiptarja.com